IP: 117.*.*.* India

அன்பிற்கினிய சகோதர, சகோதரிகளே!

மர்ஹூம் அவர்களின் குடும்பத்தினரான எங்களன்பு சொந்தங்களே!!

அஸ்ஸலாமு அலைக்கும் வரஹ்மத்துல்லாஹி வபரக்காதுஹு.

தன் வாழ்நாளெல்லாம் இறைவனுக்காக வாழ்ந்து, நம் யாவரின் நெஞ்சங்களிலும் நீங்காவிடம் பெற்று, இன்று நம்மை விட்டும் பிரிந்து சென்றுவிட்ட பெருமதிப்பிற்குரிய பெருமகனாரும், நமது அன்பிற்கு என்றும் சொந்தக்காரருமான

மர்ஹூம் அல்ஹாஜ் அல்ஹாஃபிழ் எஸ்.கே.ஷெய்கு அப்துல்லாஹ் ஆலிம் ஜுமானீ

அவர்களின் மறைவையொட்டி, உலகின் பல்வேறு பகுதிகளிலிருந்தும் இரங்கல் தெரிவித்தும், இனிய துஆக்களை இறைஞ்சியும் கருத்து தெரிவித்துள்ள தங்கள் யாவருக்கும், மர்ஹூம் அவர்களின் குடும்பத்தாராகிய நாங்கள் எமதன்பான நன்றியை அகங்குளிர தெரிவித்துக்கொள்கிறோம்.

அல்லாஹ்வின் மேலான கட்டளைக்கிணங்க நாங்கள் யாவரும் ஸபூர் எனும் பொறுமையை மேற்கொண்டோம். தாங்களனைவரும் ஸபூரைக் கடைப்பிடிக்குமாறு அன்புடன் வேண்டுகிறோம்.

உங்களில் யாருக்கும் சொல்லலோ - செயலாலோ, அறிந்தோ - அறியாமலோ மர்ஹூம் அவர்களால் ஏதேனும் தங்கடம் ஏற்பட்டிருந்தால் அவற்றையெல்லாம் பொருந்திக்கொள்ளுமாறு பணிவுடன் வேண்டுகிறோம்.

அத்துடன், கொடுக்கல் - வாங்கலில் தங்களில் யாருக்கேனும் மர்ஹூம் அவர்கள் நிலுவை செய்திருந்தால், எங்களை உரிமையுடன் அணுகுமாறு அன்புடன் வேண்டி நிறைவு செய்கிறோம்...

வல்ல அல்லாஹ் நம் யாவருக்கும் நல்லருள் புரிவானாக, ஆமீன்.

என்றும் அன்புடன்,
S.A.முஹம்மது இஸ்மாயில் (மகன்),
S.A.ஷெய்கு சுலைமான் (மகன்)

S.A.முத்து ஹலீமா பீவி (மகள்)
S.A.ஃபாத்திமா பீவி (மகள்)
S.A.ஆஷிகத்து துர்ரிய்யா (மகள்)

S.S.ஷாஹுல் ஹமீது (மருமகன்)
K.S.கிழுறு முஹம்மது (மருமகன்)
A.S.L.சுலைமான் லெப்பை (மருமகன்)

M.J.ஃபாத்திமா பீவி (மருமகள்)
K.S.மின்ஹத்துல் பாரீ (மருமகள்)

மற்றும் உற்றார் - உறவினர்.