IP: 117.*.*.* India

அஸ்ஸலாமு அலைக்கும் (வரஹ்).

மறுசுழற்சி செய்யவியலாத பிளாஸ்டிக் பொருட்களுக்கு காயல்பட்டணம் நகராட்சிக்குட்பட்ட பகுதிகளில், தடை விதிக்கப்பட்டிருப்பது வரவேற்க வேண்டியதும் , மகிழ்ச்சியான செய்தியுமாகும்.
------------------------------------------------
செயலில் காட்ட வேண்டும் :

மீறி பயன்படுத்துவோர் மீது அபராதம் விதிக்கப்படும் என்று நமது நகராட்சியால் அறிவித்திருப்பது பாராட்டுக்குரியது - இதை அறிவித்ததோடு நில்லாமல் செயலில் காட்ட வேண்டும்.

மறுசுழற்சி செய்யவியலாத பிளாஸ்டிக் பொருட்களை உபயோகிப்பதால் ஏற்படும் விபரீதங்களை உணர்ந்தோர் நிச்சயமாக உபயோகிக்க மாட்டார்கள்.

இந்த பிளாஸ்டிக் 'பை ' உபயோகம் ஏறத்தாழ கடந்த 25 வருடங்களாகத்தான் அதிக புழக்கத்தில் இருக்கிறது , அதற்கு முன்பெல்லாம் மறுசுழற்சி செய்யக்கூடிய துணி பையும் , காகித கவர்களும்தான்.

எனவே மறுசுழற்சி செய்யக்கூடிய பொருட்களை மீண்டும் உபயோகித்து சுற்றுச்சூழலை மாசுபடுத்தாமலும், சுகாதாரத்தை பேணி நடப்பதிலும் எந்த நஷ்டமுமில்லை - என்றாலும்கூட 25 வருட பழக்க , வழக்கத்தை உடனே மாற்றிவிட முடியாது சிறிது காலம் எடுக்கும் என்பதே உண்மை.

மக்கள் மனம் வைத்தால், அதன் பாதிப்புக்களை உணர்ந்தால் விரைவாக மாற்றிட முடியும் - அதை மனித நேயமுள்ள மக்கள் மாற்றிக்காட்டுவார்கள்.
-------------------------------------------------
இலாப நோக்கமில்லாமல் :

" பொதுமக்கள் பொருட்கள் வாங்க கடைகளுக்குச் செல்லும்போது துணிப்பையைக் கொண்டு செல்லுமாறு வலியுறுத்தப்படுகிறது " இந்த அறிவுரை ஏற்றுக்கொள்ளக் கூடியதுதான் என்றாலும் இன்றைய கால சூழலில் சாத்தியப்படுவது அரிது.

பொருளை வாங்குவதற்காக கடைக்கு சென்றால் துணிப்பையை எடுத்து செல்லலாம் - வேறு வேலையாக வெளியே செல்லும்போது , பொருட்கள் வாங்க வேண்டிய அவசியம் ஏற்பட்டால் துணி 'பை' க்கு எங்கே போவது?.

ஆகையினால் கடைக்காரர்கள் விலை மலிவான துணிப்பைகளை வாங்கி வைத்து 2 ரூபாய், 3 ரூபாய் அல்லது 5 ரூபாய் என்று அளவுக்கு தகுந்த மாதிரி விலை நிர்ணயம் செய்து , இலாப நோக்கமில்லாமல் வாடிக்கையாளர்களுக்கு கொடுக்கலாம் - சில நேரங்களில் அவர்களின் வியாபாரத்தைப் பொறுத்து இலவசமாகவும் கொடுக்கலாம்.

கேரி பேக்' உபயோகத்திற்கு முன்பு, எந்த கடையிலும் பொருள் வாங்கும்போது ,ஒன்றிரண்டு என்றில்லாமல் அதிக எண்ணிக்கையில் பொருட்கள் வாங்கினால் அவைகளை பிரவுன் கவரில் போட்டு பின் செய்து தருவார்கள் அல்லது நியூஸ் பேப்பரில் மடித்து சணல் கொண்டு கட்டித் தருவார்கள் - அவைகளுக்காக துணிப் பை கொண்டு போக வேண்டிய அவசியமில்லை. ஒவ்வொரு கடையிலும் ஒரு , ஒரு பொருளாக வாங்கும்போதுதான் துணிப்பையினுடைய அவசியம் தேவைப்பட்டது.
-----------------------------------------------
தயாரிப்புக்கு / விற்பனைக்கு தடை வேண்டும் :

மறுசுழற்சி செய்யவியலாத பிளாஸ்டிக் பொருட்களை தயாரிப்பவர்களையும் , விற்பவர்களையும் முதலில் தடை செய்தால்தான் இந்த திட்டம் நிறை வேறும்.

எப்போது பொருள் கிடைக்கவில்லையோ - அப்போது உபயோகம் தடைபடும் = பொருள் இருந்தால்தானே உபயோகிக்க முடியும்!!!.

ஆகையால் நகராட்சிக்குட்பட்ட எல்லையில் உள்ள அத்தனை தயாரிப்பாளர்களையும் , விற்பனையாளர்களையும் விதிக்கு மீறி செயல்பட்டால் அவைகளை அப்புறப்படுத்தி , தண்டனையை கொடுங்கள் மக்களின் உபயோகம் கட்டுப்படும்.
----------------------------------------------
மக்களே!

மனிதன் மனிதனாக , மனித நேயமுள்ளவனாக வாழ வேண்டும் என்றால் - மக்கள் தானாகவே மனித நேயமுள்ளவராக வாழ பழகிக் கொள்ள வேண்டும்.

நமது சுய அறிவை பயன்படுத்தி மறுசுழற்சி செய்யவியலாத பிளாஸ்டிக் பொருட்கள் உபயோகிப்பதை நாமாகவே நிறுத்தி மனித நேயமுள்ள மக்களாக வாழ வழிவகுப்போம்.

வஸ்ஸலாம்.