IP: 119.*.*.* China

ஒருவழிப்பாதை பிரச்சனையில் நாம் ஒருவருக்கொருவர் முரண்பாடான கருத்து வெளியிடுவது சரியில்லை. ஒருமித்த கருத்துடன்தான் நாம் இதை செய்ய முனைய வேண்டும். பெரிய நெசவு தெரு வாசிகளின் சம்மதமும் வேண்டும் . நாம் அவர்களை தனிமை படுத்துவது நல்லதல்ல.

நான் எனது பெரிய நெசவு தெரு நண்பர் ஒருவருடன் பேசும்போது , கீழ்க்கண்டவாறு தனது ஆதங்கத்தை அவர் வெளிப்படுத்தினார்.

1 . முடுக்கு வைத்து கட்டவில்லை என நெசவு தெருவாசிகள் மேல் குற்றம் சாட்டும் நபர்களுக்கு , காயல்பட்டணத்தில் பொது முடுக்கு வைத்து வீடு கட்ட இப்பொழுது அப்ப்ரூவல் கிடைபதில்லை என்பது தெரியுமா?. ஆறுமுகநேரி காவல் சரகத்தில் இதுவரை 2000 குற்றசாட்டுகளுக்கு மேல் முடுக்கு சம்பந்தப்பட்டவைதான் . சாதாரண முடுக்கு பிரச்சனைக்கே விட்டு தராத நாம் , முடுக்கு வசதியே இல்லாத நெசவு தெரு, தெருவையே விட்டு தர வேண்டும் என்று சொல்கிறோம். . நாம் பேசுவது நியாயம்தானா? இது தவறான நெருக்குதல் இல்லையா?

2 . மூணு முடுக்குகுள்ளே ஒரு தெருவுடைய வீடுகளையும் வசதியையும் பெற்றுள்ளவர்கள் அவ்வசதிகளை பெறாத மக்களுக்கு சிரமம் கொடுக்காமல் இருப்பதே சிறந்தது. சாதாரண உப்பு புளி விசயத்துக்கு கூட அவர்கள் தெருவை குறுக்காக கடக்கக்கூடிய நிர்பந்தம் உள்ளவர்கள். அவர்கள் விளையாடுவதும் தெருவில் தான். கல்யாணமும் தெருவில் தான்.அந்த தெருவையே நாம் விட்டுக்கொடுக்க சொல்வது நியாயமா?

3 . லியாவுல் காதிரிய்யா சங்கம் போன்ற சிறந்த தொலைநோக்கு பார்வையில் அமைக்கப்பட்ட, திருமணம், விளையாட்டு, நூலகம், கலந்தாலோசனை என எல்லா நிகழ்ச்சி வசதியும் உள்ள அமைப்பை நிறுவிய KTM தெரு முன்னோர்கள் மீது அல்லாஹ்வின் நல்லருள் நிலவட்டுமாக. KTM தெரு வாசிகளின் தியாகத்தை நாம் மதிக்கிறோம். அவர்களை யாரும் குறைசொல்லவில்லை.

4 மேலும் கே டி எம் தெரு ஜமாஅத் பிள்ளைகள் அவர்கள் ஜமாதுடைய அலியார் தெருவை ஒரு முடுக்கு வழியே சென்று அடைந்து ஜமாஅத் பிள்ளைகளோடு விளையாடலாம். அது விசாலமான தெரு தான்.

5 ஆனால் பெரிய நெசவு தெரு, அவர்களுடைய ஜமாஅத் பிள்ளைகளான சின்ன நெசவு தெருவுடனும் பகிர்ந்து கொள்ளபடுகிறது. சின்ன நெசவு தெரு ஏற்கனவே ஊர் நலனுக்கு கே டி எம் தெரு போல் பங்களித்து கொண்டிருக்கிறது. மேலும் காயல்பட்டனத்து நெசவு தெரு அல்லாத மக்களாகிய நாம் உம்மா வீடு வாப்பிச்சா வீடு என பல பகுதிகளையும் கலந்து கொள்ள வாய்ப்பு அதிகம் உள்ளவர்கள். ஆனால் நெசவு தெரு மக்களின் எல்லா விசயங்களும் இரண்டு தெருக்குள் தான். எனவே நாம் அவர்களை தனிமைப்படுத்தி கருத்து வெளியிட வேண்டாம்.எனவே நாம் மாற்று பாதை குறித்து ஆராய்வோம்..

6 கே டி எம் தெரு கவுன்சிலரும் நம் துணை தலைவருமான மும்பை முஹியதீன் அவர்கள் வேட்பு மனு தாக்கல் செய்யும் போது கூட அவருடன் நின்ற நெசவு தெரு சகோதரர்கள் பொதுநல நோக்கில் தான் நின்று செயல்பட்டார்கள் .அதை Kayalpatnam.com செய்தியில் கண்ட பொழுது மிகவும் மகிழ்ச்சியடந்தோம்..

எனவே நாம் இணைந்து இருப்போன். நாம் யாரையும் தனிமைப்படுத்த வேண்டாம் அல்லாஹ் நமக்கு வெற்றியை தருவான்.

மாற்றுவழி குறித்து ஆராய்வோம்.நீண்ட கால திட்டமிடுவோம்.