Re:நகரில் ஒருவழிப்பாதைக்கு ப... posted byHAMEED SIRAJUDEEN (Pondicherry)[22 December 2011] IP: 122.*.*.* India | Comment Reference Number: 14968
@ V D SADAK THAMBY!
சகோதரரே மிக்க நன்றி!
எங்களின் தெருவில் உள்ள பிரச்சனைகளை மிக தெளிவாக எடுத்து கூறியிருக்கிறீர்கள். நாங்களே கூறுவதை விட வெளி தெருவை சேர்ந்தவர் கூறும் போது அதில் சுயநலம் என்ற பேச்சு அடிப்பட்டுவிடுகிறது.
மேலும், ஊர் நல்லது - பொது நலன் - என்று வரும் போது பாதிக்கப்படுபவரைத் தவிர மற்றவர்கள் காத்துக் கொடுக்கப் போகிறதில்லை என்பது தான் வருத்தம்.
"KTM தெருவாசிகள் கஷ்டம் கஷ்டம் என்று கூறும் போது எங்களால் எப்படி தெரிந்தே கிணற்றினுள் விழ முடியும்"
நமது ஊரின் உள்ளே சினிமா, குளம், ரெயில்வே ஸ்டேஷன் போன்றவை இருக்கக் கூடாது என்று திட்டம் போட்ட நமது முன்னோர்கள் பஸ் போக்குவரத்து இப்படி பெருகிப் போகும் என எதிர்ப் பார்த்திருக்கமாட்டார்கள் என்று நினைக்கிறேன்.
ஆனால் இப்போதைக்கு மட்டும் சரி செய்யும் பிரச்சனை அல்ல இது. இனி வரும் தலைமுறைகளுக்கும் சேர்த்து யோசிக்க வேண்டும்.
தனியாக ஒரு BYE-PASS மட்டுமே இந்த பிரச்சனைக்கு தீர்வாக முடியும். NATIONAL HIGHWAY ரோடுகளை எல்லாம் பை-பாஸ் போட்டு புதியதாக ஊருடன் இணைக்க முடிந்த நமது அரசாங்கம் நமது ஊருக்கும் அதுபோல் ஒரு வழி ஏற்படுத்திதர நிர்பந்தப் படுத்த வேண்டும். ஊர் முழுவதும் சகோதரர்களாக (முஸ்லிம்கள்) வாழும் ஒரு ஊரில் இது போன்ற ஒரு கோரிக்கையை கூட நிறைவேற்ற முடியாதா?
நான் பாண்டிச்சேரியிலிருந்து காயல்பட்டணம் பஸ் டிக்கெட் போட்டால், "காயல்பட்டணம் போகாது. ஆறுமுகநேரி அல்லது திருசெந்தூரில் இறங்கிக் கொள்" என்கிறார் பஸ் நடத்துனர். ஊருக்குள்ளேயே வராத பஸ், KTM தெரு வழியாகப் போனால் என்ன கடற்கரை வழியாக போனால் தான் என்ன?. என் பிரச்சனை என்று இதை நான் பேசவில்லை. இது போன்று பல ஊர்களில் இருக்கலாம்.
இன்று வெளியூரிலிருந்து வரும் பயணிகள் அதிகமாக ரெயிலை பயன்படுத்துகிறார்கள். நமது ஊரில் ரெயில்வே ஸ்டேஷன் ஊருக்கு வெளியில் தான் உள்ளது. அதற்காக யாரும் கவலைப் படுவதில்லை. இன்னும் சொல்லப்போனால் இன்று பஸ் போக்குவரத்தை விட ரெயில் போக்குவரத்து தான் மலிவாக உள்ளது. அது போல் இரத்தினபுரியிலோ, ஓடக்கரையிலோ பஸ் ஸ்டாண்ட் இருந்தாலும் வரும் தலைமுறை கவலைப் படப்போவதில்லை.
ஊருக்கு வெளியே பை-பாஸ் போடுவதால் நமது ஊருக்குதான் நல்லது. புதிதாக பஸ் போகும் பாதையும் கடைவீதியாகும். வியாபாரம் செழிக்கும். ஊரில் இருப்போர் இன்னும் அதிகமாக சம்பாதிக்கலாம்.
அதைவிடுத்து குடியிருப்பு பகுதியிலேயே மீண்டும் பஸ் போக்குவரத்து விடுவதால் எந்த லாபமும் இல்லை. கஷ்டங்கள் தான் அதிகரிக்கும்.
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
India
