IP: 94.*.*.* Saudi Arabia

ஊரில் தற்போது இருக்கும் தலையாய பிரச்சனைகளில் இந்த ஒருவழிப் பாதை பிரச்சனையும் ஒன்று, அதுவும் பல காலங்களாக தீர்க்கப்படாமலேயே...

இங்கு பதிவு செய்த அனைவர்களும் அவர்களின் மன ஆதங்கத்தை கொட்டியுள்ளார்கள், யாருடைய கருத்தையும் குறைத்தோ அல்லது இழிவாகவோ மதிப்பிட முடியாது.

KTM தெரு, மெயின் வீதி, ஹாஜி அப்பா தைக்கா தெரு மக்களின் சேவைகளை பாராட்டாத மனது ஒரு நல்ல மனது அல்ல. அது போல நெசவு தெரு மக்களின் ஆதங்கத்தையும், குறைகளையும் புரியாத மனதும் ஒரு நல்ல மனது அல்ல.

நான் +2 படிக்கும் போது, கணித டியூஷன் யார் வீட்டில் வைத்து எடுக்கலாம் என்று ஆலோசனை நடைபெறும் போது, கண்டிப்பாக KTM தெருவில் வைத்து மட்டும் கூடவே கூடாது ( 3 மாணவர்கள் KTM தெரு வாசிகள்தான்), அங்கு போக்குவரத்து நெரிச்சல், ஹாரன் சவுண்ட், ஒரே தூசியும் புழுதியுமாக இருக்கும், ஆக நிம்மதியாக பாடங்களை கவனிக்க முடியாது என்று நிராகரிக்கப்பட்டு, வேறு தெரு நண்பனின் வீடு தெரிவு செய்யப்பட்டது.

அடுத்து, என் நண்பனுக்கு KTM தெருவில் பெண் பார்க்கப்பட்டது. அனைத்தும் திருப்தியாக அமைந்தது. உடனே பெண்களில் இருந்து மறுப்பு வந்தது. ஒரே காரணம் மேலே உள்ள டியூஷன் காரணம்தான், கூடவே நிம்மதியாக தூங்க முடியாது என்றும் காரணம் கூறி அந்த பெண் நிராகரிக்கப்பட்டாள்.

இப்படி, இவர்கள் இழந்தது பல... பல...

சரி, இதே நிலைமை எங்களுக்கும் வரும் தானே என்று நெசவு தெரு மக்கள் கூறுவதும் நியாயம் தான்... அவர்களின் கூற்றிலும் நியாயம் உண்டு... இந்த நியாயங்கள் தொடர்ந்து கொண்டே சென்றால் தீர்வு தான் என்ன.

முன்பு, நெய்னா தெருவில் ஒரு ஈ, காகம் செல்லாது. அவ்வளவு ப்ரீ ஆக தெரு இருக்கும். இன்றோ மெயின் வீதி மாதிரி அவ்வளவு போக்குவரத்து. கடையக்குடி செல்லும் வாகனங்கள், பேருந்து, மினி பேருந்து அதற்கும் மேலாக எமனை தலையில் வைத்துக்கொண்டு அதி விரைவாக செல்லும் மீன் லாரிகள் என்று ஒரு நிம்மதி இல்லாத தெருவாக இந்த தெரு ஆகிவிட்டது.

இதே நிலைமை கீழ நெய்னா தெருவில் கூட தொடர்கிறது.. இந்த தொடர் குத்துக்கள் தெரு, சதுக்கை தெரு என்று பயணிக்க தவறவில்லை.

ஆக சிரமங்கள் அனைவர்களுக்கும் இன்றைய காலத்தில் பொதுவானதாக ஆகிவிட்டது. இவர்களும் போர்க்கொடி தூக்கினால்...

ஆக, ஊர் நலனில் தாங்கள் அக்கறை உள்ளவர்கள் என்று அனைவர்களுக்கும் தெரியும். புதிய மாற்றங்கள், சிரமங்கள் முதலில் கசக்கத்தான் செய்யும். கம்ப்யூட்டர் அலுவலகங்களில் புகுந்த சமயம் பலரும் இதனால் பல சிரமங்கள், மாற்றங்கள் உண்டாகும், வேலை இல்லா திண்டாட்டம் பெருகும் என்று கூறியது உண்டுதானே. ஆனால் இன்று..

ஆக நெசவு தெரு சொந்தங்களே, அல்லாஹ்விற்காக கொஞ்சம் இறங்கி வாருங்கள். ஊர் நலனில் இன்னும் கூடுதல் பங்களிப்பை கொடுங்கள்.

நிச்சயமாக அல்லாஹ் (எவருக்கும்) ஓர் அணுவளவு கூட அநியாயம் செய்ய மாட்டான்; (ஓர் அணுவளவு) நன்மை செய்யப்பட்டிருந்தாலும் அதனை இரட்டித்து, அதற்கு மகத்தான நற்கூலியை தன்னிடத்திலிருந்து (அல்லாஹ்) வழங்குகின்றான். (அல்குர்ஆன் 4:40)

*** சிலரின் கருத்துக்களில் உள்ள செய்தியை ("இரட்டை வேடம் போடுபவர்களின்") படித்து மிகவும் வருத்தம் தான் மிஞ்சுகிறது. வல்ல ரஹ்மானுக்கு பயந்து கொள்ளுங்கள். உங்களின் செயல்பாடுகளை நன்மையின் பக்கம் திருப்பிக்கொள்ளுங்கள்.

மேலும், (மக்களை) நன்மையின் பக்கம் அழைப்பவர்களாகவும், நல்லதைக் கொண்டு (மக்களை) ஏவுபவர்களாகவும் தீயதிலிருந்து (மக்களை) விலக்குபவர்களாகவும் உங்களிலிருந்து ஒரு கூட்டத்தார் இருக்கட்டும் - இன்னும் அவர்களே வெற்றி பெற்றோராவர். (அல்குர்ஆன் 3:104).

நெசவு தெரு சகோதரர்களே, இந்த விண்ணப்பத்தை இருதயத்தின் ஒரு பகுதியான உங்களிடம் வைக்காமால் விசாலாட்சியம்மன் கோயில் தெரு, பூந்தோட்டம், ஓடக்கரை மக்களிடாமா வைப்பது.

இன்ஷாஹ் அல்லாஹ் ஒரு நல்ல முடிவு கிடைக்கும்..