IP: 59.*.*.* India

அறிமுக நிகழ்ச்சி மிக சிறப்பான பல் வேறு துறைகளை சார்ந்தவர்கள் கலந்து கொண்டு உரையாற்றுவதை பார்த்து மிக்க மகிழ்ச்சி அடைந்த அதே நேரம் மனதில் ஏற்பட்ட சில தாக்கங்களை இங்கு பதிவு செய்ய விரும்புகிறேன். சம்பத்தப்பட்டவர்கள் தவறாக எடுத்துக்கொள்ளாமல் அடுத்த கூட்டத்தில், நான் சொல்வது நியாயமாக இருந்தால் அதை நடைமுறைபடுத்த முனைவீர்கள் என்று நினைக்கிறேன்.

மாணவ மாணவிகள், ஊரில் படித்து வேலை தேடிக்கொண்டிருப்பவர்கள் கலந்து கொள்ள தோதாக நிகழ்ச்சி அமையவில்லை. ஊரை விட்டு தூரத்தில் கூட்டம் நடந்ததால் மக்கள் எட்டி வர முடியவில்லை. ஊர் மையப்பகுதியில் இந்த கூட்டம் நடந்திருக்கவேண்டும் . குளிர் நேரமாக இருப்பதாலும் சரியான வாகன வசதி இல்லாததாலும் கூட்டம் குறைவாகவே இருந்தது. பொது வாழ்வில் ஈடுபட்டிருக்கும் பல பெரியவர்கள் கூட்டத்தை பகிஷ்கரித்து போல் ஒரு தோற்றம், வெற்றிடம் ஏற்பட்டிருந்ததை உணர முடிந்தது. எல்லா பள்ளிக்கூட மேல் நிலைப்பள்ளி தலைமை ஆசிரியர்கள் இந்த நிகழ்ச்சியில் கலந்து கொள்ளவில்லை.அவர்களுக்கு முறையான அழைப்புகள்விடப்படவில்லையா அல்லது அவர்கள் இதை பெரிதாக நினைக்காமல் இருந்து விட்டார்களா? இவற்றை எல்லாம் இந்த அமைப்பின் நிர்வாகிகள் சற்று மனதில் எடுத்து ஆவன செய்யுமாறு வேண்டுகிறேன்.

மிக முக்கியமான, நமதூர் மக்களுக்கு பல துறைகளிலும் வழி காட்டும் மையமாக உருவாகியிருக்கும் இந்த அமைப்பின் செயல்பாடுகள் ஊர் மக்கள் எல்லோரும் அறிந்து கொள்ளும் வண்ணம் உள்ளூர் தொலைக்காட்சிகளில் ஒளி பரப்பப்பட வேண்டும் என்பதும் எனது தாழ்மையான கோரிக்கை.

10 , 15 ஆண்டுகளுக்கு முன் இந்த மாதிரி அமைப்பு ஏற்பட்டிருந்தால், அரபு நாடு செல்ல பணத்தை இழந்தவர்கள், தங்கள் இளமையை பலர் வெளிநாட்டு மோகத்தில் வீணாக்கி விட்டவர்கள் எல்லோரும் தப்பித்து இருக்க முடியும் என்னைபோன்றவர்களும் உயர்ந்த நிலை அடைந்திருக்க முடியும். அல்லாஹ் உங்கள் முயற்சிகள் வெற்றிபெறவும் நம் ஊர் இளைஞர்கள் சரியான காலத்தில் சரியான வேலை வாய்ப்புகளை பெற்று தாங்களும் நல வாழ்வு வாழ்ந்து மற்றவர்களையும் வாழ செய்வதற்கு அருள்புரிவானாக. மக்கி நூஹுதம்பி .