IP: 59.*.*.* India

நல்லதொரு முயற்சி. நிம்மதி உங்கள் சொய்ஸ் நிகழ்ச்சியில் நானும் கலந்து நடப்பவைகளை அறிந்து கொண்டேன். நிம்மதிக்கான வழிமுறைகளை சொல்லிய அம்மையார் அவர்களிடம் நிம்மதிக்கான அணுகுமுறைகள் நிறைய காணப்பட்டன .

ஆனால் அவற்றை உள்வாங்கிக்கொள்ளக்கூடிய சூழலில் தேர்ந்தேடுக்கப்பட்ட இடம் அமையவில்லை எனபது என் தாழ்மையான கருத்து .

முதலாவது, இடம் துளிர் கேளரங்கில் நடந்ததால் அதிகமான பெண்கள் போவதற்கு வாகன வசதிகள் இல்லை. ஏற்பாடு செய்யப்பட காலம் குளிர் காலம், யாரும் அவ்வளவு தூரம் குளிரில் வர மாட்டார்கள். எளிதில் மக்கள் கூடும் இடமான ஊருக்கு மத்தியில் உள்ள அரங்குகளில் நடத்தப்பட்டிருக்க வேண்டும்.

ஏற்பாடு செய்தவர்களை அணுகி கேட்டபோது ஜலாலியாவில் இடம் கேட்டதாகவும் அவர்கள் மறுத்துவிட்டதாகவும் சொன்னார்கள். அகீதா பிரச்சினைகள் ஒரு பக்கம் இருக்கட்டும், அது அவரவர்கள் நிலைப்பாடு. ஆனால் இந்த மாதிரி பொது விஷயங்களுக்கு அவர்கள் ஏன் மறுப்பு தெரிவித்தார்கள் என்று தெரியவில்லை. அது ஒன்றுதான் தற்போது ஊரில் பெண்களும் ஆண்களும் தனித்தனியாக அமர்ந்து விஷயங்களை விளங்கி கொள்ள நல்லதொரு இடமாக இருக்கிறது.

சாதனையாளர்களை சந்தியுங்கள் என்ற இக்ராவில் அற்புதமான ஆக்கப்பூர்வமான நிகழ்சிகள் அங்கு நaடைபெற்றதை நான் பார்த்திருக்கிறேன். விற்பனையாளர்கள் தங்கள் ஷோரூம்களாக அதை வாடகைக்கு எடுத்து விற்பனையை பெருக்குவதை பார்த்திருக்கிறேன். அப்படியிருக்கும்போது இந்த நிம்மதி பற்றிய கருத்தரங்கம் நடத்த அவர்கள் அனுமதிக்காதது வருத்தம் தருகிறது. ஒரு வேளை, இதனை ஏற்பாடு செய்தவர்கள் முறையாக ஜலாலியா நிர்வாகத்தை அணுகவில்லையா எனபது தெரியவில்லை.

பொதுவாழ்வில் உள்ள பெரியவர்கள் இதனை கருத்தில் கொண்டு எதிர்காலத்தில் இத்தகைய நல்ல விஷயங்களுக்கு இளைஞர்களுக்கு கைகொடுத்து ஊர் மக்களுக்கு நன்மை செய்யும் பணியில் ஆக்கபூர்வமான ஆலோசனைகளையும் ஒத்துழைப்பையும் நல்குமாறு வேண்டிக்கொள்கிறேன்.

மக்கி நூஹுதம்பி