IP: 59.*.*.* India

மர்ஹபா. அமீரக தலைநகரில் இன்ஷா அல்லாஹ் நாளை உதயமாகவிருக்கும் காயல்நல மன்றத்துக்கு எனது இதயம் நிறைந்த வாழ்த்துக்கள்.

ஒரு முஸ்லிமுக்கு அவன் அவயவத்தில் எங்காவது அடி பட்டால் அடுத்த முஸ்லிமுக்கு அதன் வேதனை வெளிப்படும் என்ற நபி மொழிக்கு ஒப்ப காயல்பட்டினத்தில் பிறந்த அத்தனை பேரும் ஒரு தாய் மக்கள் என்ற உணர்வுடன் செயல்படும் காயல்நல மன்றங்களில் இதுவும் ஒன்றாக இணைவது மகிழ்ச்சி தரும் செய்தி.

ஏழை எளியோர், கல்வியில் பொருளாதாரத்தில் பின்தங்கிவிட்டவர்கள், தொழில் செய்வதற்கு ஆர்வம் இருந்தும் பண வசதி இல்லாமல் தவித்துக்கொண்டிருப்பவர்கள், தங்கள் தேவைக்காக வட்டிக்கு தங்கள் நகைகளை ஈடு வைத்து தங்களை அறியாமலே பாவத்தை சம்பாதிதுக்கொண்டிருப்பவர்கள் எல்லோருக்கும் உதவி கரம் நீட்டக்கூடிய மன்றமாக, ஒரு வித்தியாசமான கண்ணோட்டத்துடன் இந்த மன்றம் அமையவும் அதன் உறுப்பினர்கள் செயல்வீரர்கள் இளைஞர்களாகவும் இருக்க வேண்டும் என்பதும் எனது அவா. எத்தனை காலம் மனிதன் வாழ்ந்தான் எனபது கேள்வி இல்லை, அவன் எப்படி வாழ்ந்தான் என்பதே முக்கியம். நாம் பாடு பட்டு சேர்த்த பணத்தை கொடுக்கும்போதும் இன்பம், வாடும் ஏழை மலர்ந்த முகத்தை காணும் போதும் இன்பம். இதை அனுபவித்து உணர்ந்து கொண்டவர்களுக்கு தெரியும்.வாழ்த்துக்கள்.

மக்கி நூஹுதம்பி