IP: 117.*.*.* India

அஸ்ஸலாமு அலைக்கும் (வரஹ்).

தினமும் ஐந்தரை மணிநேரம் மின் தடை என்பது சரியான தகவல் அல்ல.

காலை 8.00 முதல் 10.00 வரை
மதியம் 2.00 முதல் 4.00 வரை
இதுதான் தொடராக மின்தடை செய்யப்படும் நேரங்கள்.

இதுபோக மாலையில் இருண்ட பின்னும் - இரவு நேரத்திலும் நேரம் காலமில்லாமல் ஓரிரு முறை ஒவ்வொரு முறையும் அரை மணிநேரம் மின் தடை ஏற்படும்.

இப்பொழுது அதை 35 நிமிடம் 45 நிமிடம் என்று சிறிது, சிறிதாக கூட்டி பழக்கப்படுத்திய பின் 45 நிமிடம் என்பதை வழக்கமாகி கொண்டுள்ளனர்.
-----------------------------------------------
ஜனவரி 24 செவ்வாய்க்கிழமை அன்று :

காலை 08.00 மணி முதல் 10.00 வரை 2 மணிநேரம்
மதியம் 2.00 மணி முதல் 4.00 மணி வரை 2 மணி நேரம்
மாலை 6.45 மணி முதல் 7.35 வரை 50 நிமிட நேரம்
இரவு 9.08 மணி முதல் 9.38 மணி வரை 30 நிமிட நேரம்

ஆக ஜனவரி 24 இல் மட்டும்தான் 5 மணி 20 நிமிடங்கள் மின் தடை ஏற்பட்டிருக்கிறது. மற்றப்படி எல்லா நாட்களும் 5 மணி நேரங்களுக்கு குறைவாகத்தான் மின் தடை செய்கிறார்கள்.

ஆகையால் யாரும் ஒரு குத்து மதிப்பாக சொல்கிறதாக எண்ணி, விளையாட்டுக்காக கூட ஐந்தரை மணி நேரம் என்று சொல்லாதீர்கள் பிறகு அந்த ஐந்தரை வாடிக்கையாகி ஆறரை ஏழரை என்று மின்தடை செய்து நம்ம வாயை அடைத்து விடுவார்கள்.
------------------------------------------------
மானிடரிங் :

மின்தடை ஐந்து மணி நேரம் என்பதை ஏற்று சகித்துக் கொள்ளலாம் அதில் யாருக்கும் வருத்தமில்லை.

ஆனால் ஒரு வரைமுறை இல்லாமல் நினைத்த நேரத்தில் தடை பண்ணுவதையும் - இரவில் தடை பண்ணுவதையும்தான் ஏற்றுக்கொள்ள முடியவில்லை.

மின் தடை நடைபெறுவதை மானிடரிங் செய்து வரப்படுகிறது - விரைவில் அதற்கு ஓர் ஒழுங்கு முறை ஏற்படும் என்பதை எதிர்பார்க்கலாம்.
-----------------------------------------------
" வரவு எட்டணா - செலவு பத்தணா " கதைதான்

கூடங்குளம் மட்டுமல்ல தமிழ் நாட்டில் உள்ள எல்லா குளத்திலும் இருந்து மின்சாரம் கிடைத்தாலும் ......
மின் வெட்டு மின் வெட்டுதான் .......
மின் தடை மின் தடைதான் .......

காரணம்
பற்றாக்குறை மின்சாரம் 1400 மெகா வாட் என்றால் புதிதாக கிடைக்க இருப்பது 1000 மெகா வாட் - புதிதாக கிடைக்க இருப்பது கைக்கு கிடைக்கும் முன்பே , புதிய , புதிய தொழிற்சாலைகளுக்கு ஒப்பந்தம் கையெழுத்தாகி விட்டது அதனால் புதிதாக வருவதில் முக்கால் பங்கு புதிய தொழிற்சாலைக்கு கொடுத்து விட்டால் மின் வெட்டு எங்கிருந்து நீங்கும் ?

" வரவு எட்டணா - செலவு பத்தணா " கதைதான்.

ஆட்சி அதிகாரங்களில் உள்ளவர்கள் அதற்கு " தகுதியானவர்களாக " இல்லாத வரை மக்களுக்கு மனம் நிம்மதி கிடைக்க போவதில்லை.

இறைவன்தான் நம் நாட்டு ஆட்சியாளர்களுக்கு மனித நேயத்தை கொடுக்க வேண்டும் - அதற்கு மக்கள் அனைவரும் பிரார்த்திக்க வேண்டும் - நாம் அனைவரும் பிரார்த்திப்போமாக. வஸ்ஸலாம்.