IP: 59.*.*.* India

அஸ்ஸலாமு அழைக்கும்,

உயர்திரு மாவட்ட ஆட்சியாளர் ஆஷிஷ் குமார் அவர்களுடன் நமது நகராட்சி தலைவர் ஆபிதா அவர்களும் கலந்துகொண்டு பசுமை காயல் எனும் மரம் நடும் விழா சிறப்பாக நடைபெற்றதை நேரில் கண்டேன். அது வளர்ந்து செழித்து நிழல் தரும் நாளையும் இறைவன் நம் அனைவர்களுக்கும் தந்தருள்வானாக அமீன்.

ஆட்சியர் அவர்கள் குறிப்பிட்டது போல மண்ணில் மக்கிடாத பிளாஸ்டிக் carry bag இன் கெடுதல் குறித்தும் அழகாக தமிழில் எடுத்து வைத்தார்கள். மனித சமுதாயத்தை சுகம் படுத்திட நாம் carry bagகளை ஒருபோதும் உபயோகிக்க கூடாது அல்லது உபயோகிக்க மாட்டோம் என்ற உறுதியை எடுத்துக்கொள்ள வேண்டும். இதனால் மிகபெரிய நன்மை சமுதாயம் அடையமுடியும். நான் 2004 இல் carry bag ஒழிப்பு இயக்கம் தொடங்கிய பொது கிண்டல் செய்தவர்கள் இன்று உணர்ந்து பாராட்டி மகிழ்கிறார்கள். நமது மாவட்டத்தில் நமது ஆட்சியாளர் செய்த இந்த மகத்தான சேவையை காலத்தின் நலன் கருதி தனி மனிதரும், தொழில் சார்புடைய வர்த்தகர்களும் முழுமையாக வரவேற்க வேண்டும்.

ஏற்கனவே ஊர் முழுவதும் பரவிகிடக்கும் குப்பைகளில் வானவில்லின் வர்ணங்கள் போன்று carry bag பலூன் போல பூமியில் பறந்து பாதி புதைந்து கிடக்கிறது, இவைகளை அகற்றி ஒரு carry bag கூட காணமுடியாத அளவு செய்திட வேண்டும் என்று நகராட்சி தலைவர் சகோதரி ஆபிதா அவர்களையும் எல்லா பகுதி கவுன்சிலர்களிடமும் அன்பு கட்டளை வைக்கின்றேன்.

மீன்கடை, காய்கறி மார்கெட், கறிக்கடைகளிலும் carry bag இனி தலைகாட்டக் கூடாது. மனித சமுதாயத்திற்கு நல்லதை செய்ய விரும்புவோர் இதை மனதில் வைத்து நமது வரும்கால வாரிசுகள் வளமாக வாழ வழிவகுப்போம். இந்த திட்டத்திற்கு அரசுக்கு நன்றி கூறி அவர்களுடன் கரம் பிடித்து ஒத்துழைப்போம். வாரீர்...............

எழுத்தாளர், சமூக ஆர்வலர்,
ALS மாமா,
ஆலோசகர், ரஹ்மானியா பள்ளி கல்வி வளர்சிக் குழு,
காயல்பட்டினம்.