IP: 159.*.*.* Saudi Arabia

நடந்து முடிந்த எல்.கே.மேனிலைப்பள்ளி ஆண்டு விழாவிற்கு வாழ்த்துக்கள்.

தேர்வில் சிறப்பிடம் பெற்ற மாணவர்களுக்கு பாராட்டுக்கள்.

இங்கு நடைபெற்று முடிந்த பட்டி மன்றத்தை பலரும் பலவகையில் கண்டனம் தெரிவித்து பதிவு செய்தது உண்மையில் பாராட்டதக்கது. ஒரு தவறு நடந்தால் அதை கண்டிக்கனும் என்ற உணர்வுக்கு.

அதற்காக இப்படியா குட்டு குட்டு என்று குட்டனும். தவறு நடந்துவிட்டது. அவர்களும் உணர்ந்து விட்டார்கள். சகோதரர்கள் முஹம்மது லெப்பை, முஹம்மது இகரம் (கமெண்ட் 1&2) ஆகியோர் நன்றாக பதிவு செய்து இருந்தார்கள்.

ஒருவன் தனியாக நூறு மூடைகளில் அரிசியை அளந்து, கட்டி, வண்டியில் ஏற்றி இருப்பான். சிலரிடம் ஒரு பழக்கம் உண்டு, அதாவது பார்த்தீர்களா.. பார்த்தீர்களா.. ஐந்து கிலோ அரிசியை கீழே கொட்டி விட்டான், சிதறடித்து விட்டான், அதன் மேலே மிதித்து விட்டான் என்று குறைபடுவார்கள். அவன் தனியாக கஷ்டப்பட்டு பார்த்த அத்தனை வேலைகளும் கண்ணில் படாது.

அதே போல, இவ்வளவு பாரம்பரிய பள்ளியில் ஒரு சிறு தவறு நடந்து விட்டால், அப்பப்பா... அப்படி.. இப்படி.. அந்த சீரழிவு, இந்த சீரழிவு, கரும்புள்ளி, சிகப்பு புள்ளி என்று ...

இந்த சீரழிவு தான் நம் நாடி நரம்பு வரைக்கும் வந்துவிட்டதே.. டிவி இல் ஆரம்பித்து மொபைல் வரை நம்மை சீரழிக்கவில்லையா.. எந்த பள்ளி விழாவிலாவது சினிமா பாட்டுக்கு டான்ஸ் ஆடுவது, சினிமா பாடல் பாடுவது இல்லை என்று கூற முடியுமா, சொற்ப பள்ளிகளை தவிர. அதற்காக நான் இதை ஆதரித்து, வக்காலத்து வாங்குகிறேன் என்று என்ன வேண்டாம். நானும் கடுமையாக கண்டிக்கின்றேன். தவறு யார் செய்தாலும் தவறு தவறுதான். அதையே திரும்ப செய்தால் இந்த குமுறல் நியாயம்தான்.

இதே பள்ளி எத்தனை சாதனைகள் புரிந்துள்ளன, எத்தனை நல்ல நிகழ்வுகள் நடந்துள்ளன, அனைத்தும் இந்த வலைதளத்தில் வந்துதானே உள்ளது.. - யாராவது பாராட்டி கருத்து பதிந்தது உண்டா? (ஒரு சிலரை தவிர).

இந்த செய்திக்கு கமெண்ட்ஸ் பதிய வேண்டாம் என்றுதான் இருந்தேன், ஒரு சகோதரர்/ என் நெருங்கிய நண்பர் எனக்கு ஊரில் இருந்து போன் பண்ணி ( வேறு விஷயம் பேசி விட்டு), என்ன எல்லா செய்திக்கும் கமெண்ட்ஸ் அடிப்பாயே, இந்த செய்தி உன் கண்ணில் படவில்லையா? இப்படி ஒரு சீர்கேட்டை நடத்தியுள்ளார்களே, மியூசிக், சினிமா பாடல்கள் ஹராம் இல்லையா என்று கூவிக்கொண்டு இருக்கும்போது, அவருடைய மற்ற மொபைல் போன் அலறும் சப்தம் கேட்டது. அந்த ரிங்க்டோன் "ஜூன் போனால்..ஜூலை காற்றே..." என்ற சினிமா பாடல். நான் உடனே “மவனே உன்னுடைய மொபைல் போனில் இருக்கும் ஹராமை நீக்கி விட்டு, மீண்டும் எனக்கு போன் போடுடா..” என்றதும், உடனே கட் ஆகிவிட்டது தொடர்பு.

யாரையும் புண்படுத்தனும் என்று கருத்து பதியவில்லை. தவறு இருந்தால் மன்னிக்கலாமே.

எல்லாம் வல்ல அல்லாஹ் அனைவர்களுக்கும் நல்வழியை காட்டுவானாக.