IP: 78.*.*.* Qatar

தோன்றிற் புகழோடு தோன்றுக ! என்னும் பொய்யா மொழிக்கேற்ப , உலகில் வாழ்ந்த எங்கள் பாசத்துக்குரிய மாமா பாளையம் இப்ராஹீம் அவர்கள் மறைந்த செய்தியை இந்த நடு நிசியில் பார்த்தவுடன் என்னால் அழுகையை கட்டுப்படுத்த முடிய வில்லை. காரணம் , 40 வருட நட்பு..உறவு. இறுதியாக , சென்ற இரண்டு மாதத்துக்கு முன்பு , அவர்களின் இல்லத்தில் வைத்து பார்த்த போதும் அந்த இயலாத நிலையிலும் மருமகன் ஹபீபு என்று என்னை அடையாளம் கண்டு அழைத்து , ஏதோ சொல்ல வந்தார்கள் .ஆனால் முடிய வில்லை ..கண்களில் இருந்து கண்ணீர் மட்டும் வழிந்தோடிய போது அதை நான் துடைத்து விட்டு , நீங்கள் எது சொன்னாலும் ஊர் சம்பந்தப் பட்டதாக த்தான் இருக்கும் இன்ஷா அல்லாஹ் விரைவில் குணம் அடைந்து என்னுடன் பகிர்ந்துக்கொள்ளுங்கள் மாமா என்று சொல்லி விட்டு விடை பெற்ற அந்த சம்பவம் இன்னும் என் கண் முன்னே நிற்கிறது.

எங்கள் பொது வாழ்வின் நிழலாய் திகழ்ந்தவர்கள் . ஊர் நலனில் சதா அக்கறை மிக கொண்டவர்கள். அனைத்து சாதி சமய மக்களின் நன் மதிப்பை பெற்று, அவர்களின் இதயங்களில் இடம் பெற்றவர்கள். இஸ்லாமியன் அதுவும் காயலான் இவ்வளவு மனிதாபிமானம் உள்ளவனா என்று அனைவரும் ஆச்சர்யம் கொள்ளும் அளவுக்கு அடக்கத்தோடு மாற்று சமுதாய சகோதரர் மத்தியில் புகழ் பெற்றவர்கள். பாமரர் முதல் பட்டத்தில் உச்சியில் இருக்கும் அனைத்து தரப்பினரோடும் சகஜமாக பழகும் குணம் கொண்டவர்கள். வாழ்வில் எதிரியை எதிர் நோக்காதவர் . குணத்தால் , சீரிய பேச்சால் , சிறந்த முற்போக்கு சிந்தனையால் , சமுதாய தொலை நோக்கு பார்வையால் , கருணையால், மத நல்லிணக்க செயல் பாட்டால், சன்மார்க்க தீன் சேவையாற்றும் திறமையால் எல்லோர் இதயங்களிலும் தவறாமல் குடி கொன்றிருப்பவர் ! இப்படி சொல்லி கொண்டே போகலாம் அவர்களின் தூய வாழ்வின் அடிச்சுவட்டை...

அன்னாரின் ஜனாஸா அடக்கத்தின் போது இவை அனைத்தையும் அங்கே காண முடியும்....கூடி குழுமி இருக்கும் மக்களின் மூலம் ! அவர்கள் இன்று அல்லாஹ்வின் அழைப்பை ஏற்றுக்கொண்டார்கள் ஆனால் அவர்களின் செயல் பாடுகள் இன்ஷா அல்லாஹ் , நம்மை போன்றவர்களின் மூலம் இந்த உலகத்தில் தொடரத்தான் போகிறது . அதன் நன்மைகளின் பங்கும் அவர்களுக்கு வல்ல ரஹ்மான் வழங்கத்தான் போகிறான் ,ஆமீன்.

துயருற்றிருக்கும் அன்பு மாமாவின் குடும்பத்தார் அனைவருக்கும் கருணை மிகுந்த அல்லாஹ் சப்ரை கொடுப்பானாக! அவர்களின் துயரத்தில் நாங்களும் பங்கு கொள்கிறோம் .

மர்ஹூம் இப்ராஹீம் மாமாவின் நல்ல சேவைகள் அனைத்தையும் கிருபையுள்ள ரஹ்மான் அங்கீகரித்து , கப்ரில் சுவனத்து காற்றை சுவாசித்தவர்களாக , நாளை மறுமை நாளில் , மஹ்மூது நபிகளின் நேசத்தை பெற்றவர்களாக, உயர்வான சுவன பதியை அடைய இரு கரம் ஏந்தி கண்ணீர் மல்க து ஆ இறைஞ்சுகிறோம். அல்லாஹ் ஏற்றுக்கொள்வானாக , ஆமீன் !

குடும்பத்தார் அனைவருக்கும் , குறிப்பாக அருமை சகோதரி , நகர் மன்ற தலைவி அவர்களுக்கும் எங்கள் குடும்பத்தாரின் அன்பான அஸ்ஸலாமு அலைக்கும் வரமதுல்லாஹி வ பறக்காதுஹு .

வருத்தத்துடன் ,

K.V.A.T. குடும்பத்தினர் ,
குறுக்குத்தெரு ,
காயல் பட்டணம்
மற்றும் கத்தார் .