IP: 117.*.*.* India

மறைந்த பாளையம் இப்றாஹீம் மாமா அவர்களோடு பல்லாண்டு காலம் பழகியவன்...

என் தந்தை மர்ஹூம் எஸ்.கே.ஷாஹுல் ஹமீத் அவர்களைப் போலவே தானறிந்த வழியில் பொதுச் சேவையை ஆர்வத்துடன் முன்னின்று செய்தவர் இப்றாஹீம் மாமா அவர்கள்...

எனது செய்திப் பணியின் துவக்க காலங்களில் நிறைய அறிவுரைகளைச் சொல்லி, என் எழுத்திலுள்ள குறைகளை ஏதோ இயன்றளவுக்கு குறைக்க பெரும் தூண்டுகோலாய் அமைந்தவர்கள்... சுயநலனைக் குறிக்கோளாய்க் கொண்டு மனிதர்கள் வாழும் இவ்வுலகில், சூட்சுமங்களை எதிர்கொள்ளும் தந்திரங்களை அவர்களிடம் ஓரளவு கற்கும் வாய்ப்பு எனக்குக் கிட்டியதை எண்ணி மகிழ்கிறேன்.

எதற்கும் அஞ்சாத நெஞ்சுறம் கொண்டவர்கள்... உள்ளொன்று வைத்து புறமொன்று பேசத் தெரியாதிருந்தவர்கள்...

தனக்கென பலவற்றைச் சேர்க்க வழியிருந்தும், பொதுவாழ்வில் அவ்வாறு செய்வதை வெறுத்தே வாழ்ந்து முடித்தவர்கள்...

சில நகர்நல அம்சங்களுக்காக செல்வந்தர்களை அவர்கள் நாடுகையில், அவர்கள் அளிக்கும் பணத்தை தன் கையால் வாங்காமல், ஆக வேண்டிய வேலையைச் சொல்லி, அதற்கான கட்டண ரசீதைக் கொடுத்து, “இன்ன இடத்தில் அந்த தொகையை சேர்த்து உதவுங்கள்” என்று அச்செல்வந்தரிடம் இலகுவாக சொல்லி, தான் நினைத்த காரியத்தை கரை படாமல் செய்து பழக்கப்பட்டவர்கள் என்பதற்கான நாடமாடும் பல சாட்சிகளில் நானும் ஒருவன்.

கருணையுள்ள அல்லாஹ், மர்ஹூம் அவர்களின் பாவப்பிழைகளைப் பொறுத்தருளி, அவர்களது நற்செயல்களை கபூல் செய்து, மேலான சுவனபதியை நற்கூலியாக வழங்கியருள்வானாக, ஆமீன்.

நான் பார்த்த பாளையம் மாமாவை, அவர்களின் மகளார் - நம் நகர்மன்றத் தலைவர் அவர்களின் நடவடிக்கைகளிலும் கண்டு வருகிறேன்... தந்தை விட்டுச்சென்ற நல்லவற்றை, தங்கள் பொறுப்புமிக்க பதவியால் செய்து, அதன் நன்மைகளில் தங்கள் தந்தைக்கும் பங்குகள் கிடைக்கச் செய்யுமாறு அன்புச் சகோதரி ஆபிதா லாத்தாவைக் கேட்டுக்கொள்கிறேன்.

வல்ல அல்லாஹ் மறைந்த பெருந்தகையின் குடும்பத்தினருக்கு அழகிய பொறுமையைத் தந்தருள்வானாக...