IP: 122.*.*.* India

அன்புடையீர்! அஸ்ஸலாமு அலைக்கும் (வரஹ்)

மேலே கமெண்ட் எழுதிய சகோரர்களில் பலர் ஒன்றில் ஒற்றுமையாக இருக்கிறார்கள். “தனக்கு வரும் போது தான், தலைவலியும் திருகு வலியும் தெரியும்” – என்பதை நாம் எல்லோருமே மறந்து விடுகிறோம். சரி! அது மனித இயல்பு. ஆனால், போகிற போக்கில் கமெண்ட்களை அள்ளி வீசாமல், தயவு செய்து அடுத்தவர்களின் மனவலிகளையும் சிறிது யோசித்து எழுதியிருக்கலாம்.

நீங்கள் சொல்வதைப் போல், ஆவணங்களும் சான்றுகளும் சரியாக இருந்தால், இடித்த வீட்டை கட்டிக் கொடுத்து விடுவார்களா? வீட்டின் உரிமையாளர் இல்லாத போது, அரசாங்க அதிகாரிகள் வருவார்களாம், நோட்டீஸ் கொடுத்தோம், பதில் இல்லை என்று கூறி வீட்டை இடித்து விடுவார்களாம். அவரது நிலையை யாராவது கணக்கில் எடுத்தார்களா? கிட்டத்தட்ட 25-30 வருடம் பழமையான வீடு அது. இதுவரை எந்த அரசாங்க அதிகாரிக்கும் கண்ணில்படாமல் மறைந்து இருந்ததா?.

20 வருடமாக ஒருவழி பாதை வரவேண்டும் என காயல்பட்டணமே தவம் கிடக்கிறது. இத்தனை வருடமாக எடுக்கப்படாத முயற்சி, சில நாட்களிலேயே எடுக்கப்படுவதைப் பார்த்தால், சகோரதரர் முஜீப் அவர்களின் கருத்தின் கடைசி பாராவில் உள்ள வரிகள் உண்மையாகிவிடுமோ என சந்தேகம் வருகிறது..

கிட்டத்தட்ட இதே வார்த்தைகளில் தான் பெரிய தெருவாசிகளும் ஆக்கிரமிப்பை அகற்ற வேண்டும் என இதே வெப்-சைட்டில் எழுதினார்கள். அப்போது எழுதியதற்கும், இப்போது நீங்கள் எழுதுவதற்கும் எனக்கு வித்தியாசம் தெரியவில்லை. (இப்போது மீண்டும் முதல் பாராவை படிக்கவும்)

இடிக்கப்பட்ட வீடு, ஸ்தாபனங்களின் உரிமையாளர்கள் அனைவருமே காசு உள்ளவர்களா? (பணம் உள்ளவர்களாக இருந்தாலும், இப்போதுள்ள விலைவாசியில் கட்டுபடியாகுமா? மறுபடியும் கட்ட முடியுமா?)

எல்லாவற்றிற்கும் வல்ல இறைவன் போதுமானவன். வஸ்ஸலாம்

சினேகத்துடன்
சிராஜூதீன்.