IP: 117.*.*.* India

ஒர் வித்தியாசமான யோசனை தான்! சமூகத் துடிப்புள்ள தலைவர்,உற்சாகமான செயலாளர்கள், ஆர்வமிக்க உறுப்பினர்கள் இவை யாவும் ஜித்தா நல மன்றத்தின் ப்ளஸ் பாய்ண்ட்டுகள். வழக்கமாக உள்ளரங்கங்களில் மட்டுமே நடத்தி வந்த பொதுக்குழு நிகழ்ச்சிகள் இன்று நல்லதோர் பொழுது போக்கு நிகழ்ச்சியாகவும், காயலர்கள் ஒன்று கூடி உறவாடி மகிழும் நிகழ்வாகவும், வெளியரங்கில் வைத்து நடத்த முடிவு செய்திருப்பது பாராட்டுக்குரியதே! இக் குடும்ப ஒன்று கூடலில் நான் இல்லையே என்ற ஏக்கமும்,ஏமாற்றமும் என் உள் மனதை உறுத்திக் கொண்டேயிருக்கின்றது.

உலகளாவிய காயல் நல மன்றங்களில் உறுப்பினர்களை ஒன்று திரட்ட அந்தந்த அமைப்புகள் படாத பாடுபட்டு வருகின்றது. சந்தக்கள் முறையாக செலுத்தப்படாததால் நல மன்றங்களின் செயல்பாடுகள் தடை படும் நிலைக்குத் தள்ளப்பட்டு வருகின்றது. உறுப்பினர்கள் ஊர் நலம்,ஒற்றுமை, ஆகியவற்றில் சற்று அக்கறை எடுத்துக் கொண்டால் இது போன்ற பரிசுகளை அறிவிக்கத் தேவையே இல்லை. என் ஊர், என் சமூகம் எனும் சிந்தனை அயல்நாட்டில் வாழும் ஒவ்வொரு காயலருக்கும் உதித்து விட்டாலே போதும் நல மன்றங்கள் தெம்புடன் செயல் படத் துவங்கி விடும்.

போட்டிகள் வைத்து பரிசுகள் தருவதில் தவறில்லை! ஆனால், உறுப்பினர்களை ஒன்று திரட்ட பரிசுகள் வழங்கப்படுவது என்பது தான் உறுத்தலாக உள்ளது. உலகளாவிய காயல் கண்மணிகளே உங்கள் பகுதியில் செயல் பட்டு வரும் காயல் நல மன்றத்தின் அனைத்துப் பொது நிகழ்வுகளிலும் தவறாமல் பங்கு கொண்டு மன்றங்களின் சேவைகளில் உங்கள் பங்களிப்பையும் சேர்த்துக் கொள்ளுங்கள். அல்லாஹ் உங்களுக்கு அருள்புரிவான். இன்ஷா அல்லாஹ்!!!

-ராபியா மணாளன்.
ஜித்தா காயல் நல மன்ற உறுப்பினர்.
புனித மக்கா.