IP: 205.*.*.* United States

நமது நூலகர் நண்பர் முஜீபிடம், நானும் பலமுறை இது பற்றி பேசியிருக்கின்றேன். அவருடைய ஆர்வம் மட்டும் இல்லையென்றால்... இத்தனை வருடமாக எவரும் பேசாமல் இருந்த இந்த நூலகத்தை பற்றி நாம் இந்த அளவுக்கு பேசிகொண்டிருக்க மாட்டோம். காரணம் நமதூரை சார்ந்த ஆர்வ மிக்க ஒருவர் நமது நூலகத்துக்கு நூலகராக வந்து சேர்ந்தது ஒரு வரப்பிரசாதம். நாம் அனைவரும் கைகோர்த்து இம்முயற்சி வெற்றிபெற உறுதுணையாய் இருப்போம்.

ஆண்களும் பெண்களும் கலந்திட இயலாதவாறு பெண்களுக்கென தனியிடத்தை அல்லது நேரத்தை ஒதுக்குங்கள். நம் நூலகத்துக்கென ஒரு இணைய தளத்தை தொடங்கி என்னென்ன புத்தகங்கள் இருக்கிறதென்று தெரியபடுத்துங்கள். நூலகத்தில் ஒன்றிரண்டு கணினிக்கொண்டு இன்டர்நெட் வசதியும் ஏற்படுத்தி இன்டர்நெட் ப்ரொவ்சிங் / சாட் என்றில்லாமல்... புதுவரவுகள் / வெளியீடுகள், வாசகர்களின் புத்தக விமர்சனங்கள் மற்றும் கருத்து பதிவிற்க்கும் மட்டும் வழிவகுங்கள். இது, வெளியூர் வெளிநாடுகளில் வசிக்கும் நமதூர் மக்கள் ஆர்வமடைந்து அனுசரணை தரவும் தங்களுக்கு தெரிந்த ஆலோசனைகளை வழங்கவும் மிக தோதுவாக இருக்கும்.