IP: 117.*.*.* India

சகோதரர் சதக்கு தம்பி அவர்களே........

விமர்சனம் வைப்பதை இங்கு யாரும் தவறாக எண்ணவில்லை. பொதுக்காரியங்களில் தங்களது கருத்தை முன் வைப்பதற்கு எவருக்கும் உரிமை உண்டு.

தயவு செய்து என்னை மன்னிக்கவும் .தங்கள் போன்றவர்கள் வைக்கும் விமர்சனங்களில் ஆக்கபூர்வமான அணுகுமுறை எதுவும் இருப்பதாக தெரியவில்லை. அப்படி எதுவும் இருந்திருப்பின் தங்களது விமர்சனம் இந்த ரீதியில் அமைந்திருக்காது.

தலைவி அவர்கள் தனது சொந்த பணத்தில் எதுவும் செய்யவில்லை அதற்க்கான அவசியமும் அவருக்கு இல்லை. பணி நிமித்தமாக அவர் எங்காவது செல்லும் போதோ அல்லது தவிர்க்க முடியாத வேறு சமயங்களிலோ அரசு பில் வரும் வரை யாரும் காத்திருக்க முடியாது அப்போது எல்லோருமே அவரவர்கள் பாக்கெட்டில் கைவிட்டு செலவழிப்பது இயல்புதான். இதை யாரும் விளம்பரபடுத்திக்கொள்வதில்லை

நியாயமாக அவர் செய்வதை அவரது ஆதரவாளர்கள் முறைப்படி மக்களுக்கு தெரியப்படுத்துகிறார்கள். இதை நீங்கள்"விளம்பரம்"என்று சொன்னால் நிஜமாகவே விளம்பரம் என்ற வார்த்தையின் பொருள்தான் என்ன ?என்பதை நீங்கள்தான் விளக்க வேண்டும்.

தனது அதிகாரத்துக்கு உட்பட்டு தன்னால் இயன்றவரை அவர் நல்லவிதமாகவே செயல்பட்டு கொண்டிருக்கிறார். நகரமன்ற உறுப்பினர்கள் என்ற பெயரில் சில அதிகாரததரகர்கள் அவரை சுற்றி நின்று அவரை செயல்படாத ஒருவராக ஆக்க முயல்கிறார்கள். அதையும் மீறி அவர் தனந்தணியாக சுழன்று கொண்டிருக்கிறார். உங்கள் பதிவில் அதை நீங்களே சுட்டி காட்டியுள்ளீர்கள்.

உங்கள் விமர்சன வாள்கள் அவர்களை நோக்கி திரும்பட்டும். இன்று வெளிப்படையான நிர்வாகம்தான் நடைபெறுகிறது. நகராட்சி நிர்வாக வேலைகளுக்கான ஒப்பந்த புள்ளிகள் எந்த காலத்தில் இப்படி இணையதளங்களிலும் பிட் நோட்டிசிலும் மக்களுக்கு அறியத்தரப்பட்டன ..என்பதை நீங்களே சொல்லுங்கள்.

வீண் கசப்புணர்வுகளை களைந்து ஆக்கபூர்வமாக நாம் அனைவரும் ஒன்றிணைந்து செயல்பட்டால் நல்லதொரு நகராட்ச்சி நிர்வாகம் நமக்கு கிடைக்கும்.