IP: 117.*.*.* India

நன்பகல் 12 மணி, உச்சி வெயில் மண்டையைப் பிளக்கும் அளவிற்குத் தன் தாக்கத்தை உமிழ்ந்து கொண்டிருந்தது. சுட்டெரிக்கும் சூரியனையும் பொருட்படுத்தாமல் நகர்மன்றத் தலைவி ஆபிதா மற்றும் சில உறுப்பினர்கள் புறநகர் பகுதிகளில் சேரும் கழிவுகளை திடக்கழிவு மேலான்மை ஆய்வாளருடன் பார்வையிட்டுக் கொண்டிருக்கின்றனர் எனும் செய்தி நம் செல்லுக்கு வரவே, கல்யாணக் களறி சோற்றைக் கைகழுவியபடி துளிர் பாடசாலைக்குப் பின்னால் உள்ள ரோடு வழியாக பப்பரப்பள்ளியம்மன் கோவிலுக்கு பைக்கை எடுத்துக்கொண்டு பறந்தோம்.

ஒதுங்கக் கூட ஓர் நிழல் இல்லாமல் சூரிய வெப்பத்தில் தொப்பு தொப்பாக நனைந்து கொண்டு அவர்கள் ஆய்வு நடத்திக் கொண்டிருந்தனர். ஆபிதா அவர்களின் செல் ஃபோன் சினுங்கி ஓர் செய்தியை அறிவித்தது. பாஸ்நகரில் ஏதோ ஒர் அமைப்புடன் பொதுமக்களும் உண்ணாவிரதம் இருப்பதாக. கேள்விப்பட்ட உடனேயே அங்கிருந்து பாஸ்நகர் நோக்கி விரைந்தார் தலைவி.

ஒரு தாய்க்கு உள்ள கனிவோடு அம் மக்களின் கோரிக்கைகளைக் கேட்டறிந்து அவைகளை நிறைவேற்றப் பாடுபடுவேன். முதலில் நீங்கள் ஏதாவது சாப்பிடுங்கள் என உரிமையுடன், தாம் கொண்டுவந்த குளிபானத்தை அருகிலுள்ள வீடுகளில் கிளாஸ் வாங்கி வந்து அதைத் தன் கைபட ஊற்றிக் கொடுத்து உண்ணாவிரதத்தை முடித்து வைத்தார் ஆபிதா.

இனி இது போன்று போராட்டங்களை நடத்து போது எனக்கு தயவு செய்து அறிவியுங்கள். என் அலுவலகமும், இருப்பிடமும் உங்களுக்கான குறைகளைத் தீர்க்க எப்போதும் திறந்தே இருக்கும் என உறுதியளித்தார்.

இங்கு நான் ஆபிதா புராணம் பாட வரவில்லை! மாறாக நம் தலைவியின் ஆர்வம் மற்று சேவையைத்தான் சொல்ல வருகின்றேன். பின்னர் லெட்சுமிபுரம் எல்.ஆர்.நகருக்குச் சென்று அங்குள்ள மக்களின் குறைகளையும் கேட்டறிந்து. சிங்கித்துறை நோக்கி பயணித்தார்.

பம்பரம் போன்று சுழன்று வரும் நகர்மன்றத் தலைவி சாட்டையையும் தன் கைவசமே வைத்திருப்பது தான் சில வேட்டைக்காரர்களால் ஜீரனிக்க முடியவில்லை! எது? எப்படியோ? இவர் ஒரு பொருப்புள்ள தலைவிதான் என்பதில் சந்தேகமில்லை!

-ஹிஜாஸ் மைந்தன். காயல்பட்டணம்.