IP: 117.*.*.* India

வாழ்த்துக்கள்.

பேரறிஞர் அண்ணா அவர்களும் கவ்மின் காவலர் காய்தே மில்லத் அவர்களும் 1967 இல் கூட்டணி அமைத்து வெற்றிபெற்று வரலாற்று பெருமை மிக்க தமிழக சட்டமன்றத்தை அலங்கரித்த காலத்தை நினைத்து பார்கிறேன்.

அதன் பிறகு நடைபெற்ற அரசியல் மாற்றங்கள், இஸ்லாமிய புது கட்சிகள், இஸ்லாத்தை அதன் தூய வடிவில் கொண்டுவருவதாக சொல்லி இளைஞர்களை உசுப்பிவிட்டு அவர்கள் வெஞ்சிரைகளின் வேக்காட்டில் தங்கள் இளமையை கழிக்கவேண்டிய துர்பாக்கிய நிலை ஏற்பட்டது.

பிறைக்கொடியின் பாதுகாவலர்கள் பிறை இல்லாத ஒரு பசைக்கொடியின் பின்னால் பிரிந்து சென்றபோது மனம் கனத்தது. தங்கள் ஏணி சின்னத்தை அவர்கள் உதயசூரியனின் காலடியில்அடகு வைத்தபோது அவர்கள் எங்கே போகிறார்கள் என்று மனம் வேதனைப்பட்டது.ஆணி குத்தியது போன்ற ரணம் ஏற்பட்டது.

போர்க்குணம் இல்லாத, தவறு செய்யும் அரசுகளை தட்டி கேட்காத சமுதாயத்தை சுறுசுறுப்புடன் செயலாற்ற முன்னெடுத்து செல்லும் கொள்கை எதுவும் தன வசம் இல்லாத இயக்கமாக மக்கள் அதை பார்க்க ஆரம்பித்ததன் விளைவு இடையிலே ஏற்பட்ட தொய்வு.

ஆனால் இப்போது நெருப்பாற்றில் நீந்தி வந்து நீறு பூத்த நெருப்பிலிருந்து புறப்பட்ட பீனிக்ஸ் பறவை போல் முஸ்லிம் லீக் மீண்டும் களம்இறங்கி இருப்பது மிக்க மகிழ்ச்சியை தருகிறது. அமைதியான, ஆர்ப்பாட்டமில்லாத அரசியல், இஸ்லாமிய உணர்வுகள், தோற்றங்கள், தனது பாரம்பரியத்தை தக்க வைத்துக்கொண்டு அதே வேளை, இடையிலே காளான்களாக முளைத்து முன்னால் வந்த செவியை பின்னால் வந்த கொம்பு மறைத்ததுபோல் நடந்து விட்ட ஒரு விபத்திலிருந்து ஓர் மாயையிலிருந்து முஸ்லிம்கள் விடுபட்டு முஸ்லிம் லீக்கை ஏறிட்டு பார்க்க வைத்திருக்கிறீர்கள்.

இளைய தளபதியாக அபூபக்கர் அவர்களை களம் இறக்கியிருக்கிரீர்கள். இழந்த ஏணியை மீண்டும் நிமிர்த்தி வைத்திருக்கிறீர்கள். காயிதே மில்லத் என்று இல்லாமல் "காதிமே மில்லத்"தாக இப்போதுள்ள தலைவர் எல்லோரையும் அரவணைத்து ஒரு கொடியின் கீழ் கொண்டுவந்துள்ளது மிக்க மகிழ்ச்சியை தருகிறது.

இன்று தூத்துக்குடி பள்ளியில் மக்ரிப் தொழுது விட்டு அவர்கள் எல்லோரும் வெளியே வந்தபோது ஒரு கண் கொள்ளா காட்சியாக இருந்தது. இஸ்லாமிய இலச்சனை அவர்கள் முகங்களில் ஒளிர்ந்தன அல்ஹம்து லில்லாஹ். உங்கள் பணி தொடர, சிறக்க வாழ்த்துக்கள். நடந்தவை நடந்தவைகளாக இருக்கட்டும் இனி நடப்பவை நல்லவைகளாக இருக்கட்டும்.

அன்புடன் மக்கி நூஹுத்தம்பி