IP: 113.*.*.* China

Ref :Comment Reference Number: 18651

”நேரப்போக்கு”க்காக கருத்தெழுதும் அன்பர்களுக்கு அறிவுரைகூரும் சகோதரருக்கு , நகர் மன்ற தலைவரின் அறையை புனரமைக்கும் பணிக்கும் இதுபோன்ற நடைமுறைகளைதான் கையாள வேண்டியதிருக்கும் என்ற விதி முறை தெரியாதா?

அதற்க்கு யாரோ ஒருவர் தடையாக இருப்பதுபோன்ற தோரணையில் செய்தியாக வெளியிட்டு தலைவிக்கு ஆதரவாக பெரிய விளம்பரம் தேடிகொடுக்க வேண்டுமா?

இதற்கு ஆதரவு எதிர்ப்பு என் பல கருத்துக்கள் வேறு!

மிகைபடுத்தப்பட்ட ஆதரவு கருத்தை பிரசுரிப்பது . எதிர் கருத்தை காரணமின்றி நிராகரிப்பது. இதுதான் நீங்கள் செய்யும் பத்திரிக்கை தர்மமா?

Administrator: நகர்மன்றத் தலைவரின் அறை குறித்த - செய்தியின் பின்னணி, அச்செய்தியிலேயே - தெளிவாக்கப்பட்டுள்ளது. அறையினை புனரமைக்க - இருமுறை டெண்டர் விடப்பட்டப்பின்னும் எவரும் அதை எடுக்கவில்லை. ஏப்ரல் மாதம் புதிதாக வெளியிடப்பட்ட டெண்டர் அறிவிப்பில் - நிலுவையில் உள்ள நகர்மன்ற தலைவரின் அறை குறித்த டெண்டர் இணைக்கப்படாததே - அச்செய்தி வெளியிட காரணம். எமது இணையதளத்தை பொறுத்தவரை - காயல்பட்டினம் நகராட்சியின் தலைவர் என்பவர் பெருவாரியான மக்களால் தேர்ந்தெடுக்கப்பட்டவர். அவர் பணிபுரிய அவருக்கு 6 மாதங்கள் ஆகியும் - அறை வழங்காமல் இருப்பது, இணையதளத்தை பொறுத்தவரை - மக்கள் அறிய வேண்டிய செய்தி. அதன் அடிப்படையிலேயே செய்தி வெளியிடப்பட்டது.

ஒரு செய்தியின் முக்கியத்துவம் குறித்த முடிவு செய்வது ஆசிரியர் குழுவின் முழு உரிமை. ஒவ்வொரு செய்தியும் வெளியிடும்போது அதற்கு உள்நோக்கம் கற்பிப்பது சரியாக தெரியவில்லை. ஊடகம், அதன் ஆசிரியர்/செய்தி வழங்குவோர் குழு, வாசகர்கள் குழு என்பது - ஒரு நம்பிக்கை அடிப்படையிலான வட்டம். ஒவ்வொரு செய்தியையும் வெளியிடும்போதும், ஒவ்வொரு கருத்தினை வெளியிடும்போதோ / நிராகரிக்கும்போதோ - அதற்கு உள்நோக்கம் கற்பிக்கப்பட்டு, அதற்கு விளக்கம் அளிக்க நிர்பந்திப்பது, ஈமெயில் மூலம் அவதூறுகளை பரப்புவது - போன்ற செயல்கள் முறையில்லை.

நியாயமான கருத்துக்களுக்கு காயல்பட்டணம்.காம் என்றும் இடம் கொடுக்கும். கொடுத்துள்ளது. இதற்கு நூற்றுக்கணக்கான வாசகர்கள் சாட்சியளிப்பார்கள் என நாங்கள் நம்புகிறோம். காயல்பட்டணம்.காம் இணையதளத்தில் அனைத்து கருத்துக்களுக்கும் இடம் உண்டு. ஆனால் அனைவரின் கருத்துக்களுக்கும் அல்ல. இதில் உள்ள வித்தியாசத்தை - வாசகர்கள் புரிந்துகொள்வார்கள் என நம்புகிறோம். கருத்துக்கள் கூறுகிறோம் - என அர்த்தமற்ற, ஆதாரமற்ற விமரசனங்களுக்கு - மேடையாக இவ்விணையதளம் என்றும் அமையாது.

நேரப்போக்குக்கு எழுதும் சிலர் என எமது செய்தியாளர் எஸ்.கே.ஸாலிஹ் - கூறியதற்கு காரணம் - சில கருத்துக்களை பதிவு செய்துவிட்டு, அதே வாசகர்கள் - பிரச்சனையை கிளப்பத்தான் எழுதினேன், சுவாரசியமாக போகுமே என்றுதான் எழுதினேன் என அவரிடம் நேரில் கூறியதுதான்.