IP: 205.*.*.* United States

மனையியல் பாடத்தில் மாநில அளவில் இரண்டாமிடம் பெற்றுள்ள நமதூர் மாணவிக்கு வாழ்த்துக்கள். மனையியல் பாடத்தில் மாநில அளவில் 'முதலிடத்தை' எதிர்பார்த்து மிகுந்த ஆவலுடன் படித்த நீங்கள் இ.சி.ஜி. வல்லுநராக விரும்புவது தனிநபர் விருப்பம் / உரிமை என்றாலும் மனையியலிலேயே பட்டபடிப்பு / மேற்படிப்புகள் மற்றும் அத்துறையிலேயே அழகான வேலை வாய்ப்புகளும் உள்ளன.

பொதுவாக மனையியல் என்பது வெறும் வீட்டை பராமரித்தல், ஹோம் மேக்கர் சமையல் என்பதனையும் தாண்டி உணவு, விருந்தோம்பல் (ஹோட்டல்ஸ்) துறைகள், பேஷன் technology, NGOs and கல்வித்துறை என பலதுறைகளில் வேலை வாய்ப்புகளை கண்டுள்ளது. சத்துணவு ஆலோசகர், குடும்ப ஆலோசகர் டயடீஷியன், மனையியல் ஆசிரியர்,வீட்டு பொருளாதார நிபுணர் என பலதுறைகளில் இப்படிப்பை பயின்றவர்கள் பணியாற்றலாம்

மனையியல் படிப்பில்... உணவு மற்றும் சத்துணவு, குழந்தை மேம்பாடு, வீட்டு நிர்வாகம், ஆடை வகைகள், விரிவாக்குதல் மற்றும் தகவல் தொடர்பு என மொத்தம் 5 பெரிய பிரிவுகள் உள்ளன. பி.எஸ்சி - யில் ஹோம் சயின்ஸ் அல்லது நியூட்ரிஷன் மற்றும் உணவு தொழில்நுட்பம் படிக்கலாம். பி.ஏ. - வில் வீட்டு நிர்வாகம்/வீட்டு பொருளாதாரம் அல்லது நியூட்ரிஷன் என இத்துறைக்கான பல பட்டப் படிப்புகள், நாடு முழுவதும் 100 கல்லூரிகளில் வழங்கப்படுகின்றன.