IP: 117.*.*.* India

காயல்நகருக்கு வருகை தரும் மாநில முதல் மதிப்பெண் பெற்ற மாணவி சுஷ்மிதாவை ஒரு காயல்வாசி என்கிற முறையில் வரவேற்கிறேன். எங்கோ ஒரு குக்கிராமத்தில் பிறந்து வளர்ந்து அருகேயுள்ள அரசுப்பள்ளியில் தனது சுய முயற்சியால் கற்று தேறி முதல் மதிப்பெண் பெரும் ஒரு மாணவனையோ /மாணவியையோ நெஞ்சார வரவேற்கும் முறையில் சகோதரி சுஷ்மிதாவை நான் வரவேற்க விரும்பவில்லை. சகோதரி என்னை மன்னிக்கவேண்டும்

காரணங்கள் பல நாமக்கல்,திருசெங்கோடு, ஈரோடு, கோபிசெட்டிபாளையம் போன்ற ஊர்களில் :உறைவிட பள்ளிகளில் "( Residential schools)தங்கி படிக்கும் இது போன்ற மாணவ மாணவியர் எவரும் கற்பது கல்வியை அல்ல. தேர்வுக்கு தயாராகும் பயிற்சியை மட்டுமே இப்பள்ளிகள் அவர்களுக்கு அளிக்கின்றன. மூர்க்கமான பயிற்சிகள் அவை. ஒரு பாடத்தையே மாற்றி மாற்றி எழுதிப்பார்த்தல், தலை கீழாக வாசிப்பு பயிற்சி, கடுமையான மனன பயிற்சிகள் என இவைகள் பலதரத்தவை.

பிளஸ் டூ கல்வி இரண்டுஆண்டுகள். ஆனால் இவர்கள் பிளஸ் ஒன வகுப்புக்குரிய பாடங்களை நடத்துவதே இல்லை. கூடுதல் மதிப்பெண் பெரும் வழிமுறைகளை கருத்தில் கொண்டு இரண்டு வருடமும் பிளஸ் டூ பாடத்தையே கற்பிக்கிறார்கள். இதனால் பல அல்லல்கள் நேர்கின்றன. குறிப்பாக இயற்பியல் (Physics) பிரிவில் மெக்கானிக்ஸ் பிளஸ் ஒன்னில் உண்டு.

பிளஸ் டூவில் இப்பாடம் இல்லை இது போன்ற பள்ளிகளில் கற்று தேறி பொறியியல் போன்ற உயர் கல்விக்கு செல்லும் மாணவர்களுக்கு அங்கு இது தொடர்பான மெக்கானிக்ஸ் பாடம் வரும் போது அவர்கள் மிகவும் சிரமபடுகிரார்கள்