IP: 117.*.*.* India

அஸ்ஸலாமு அலைக்கும். உங்கள் தன்னிலை விளக்கம் மிக அருமை.அந்த ஒலிநாடாவில் கேட்ட குரல் யாருடையது என்று விளங்காத எங்களைப் போன்ற சாமான்யர்களுக்கு தங்களின் ஒரு தற்காப்பு நடவடிக்கையாக அதை எங்களால் புரிந்துக் கொள்ள முடிந்தது.பொதுவாழ்வில் தவறு செய்தவர்களை விட தவறு செய்யாதவர்கள் பயப்படும் காலம் இது.எனவே உங்கள் சுய விளக்கம் இங்கே முக்கியமே.அது உங்கள் அடையாளமாகவும் பிற்காலத்தில் உணரப்படும்.

அதே வேளை,தலைவியைப் பற்றிய தங்கள் கருத்து கொஞ்சம் அதிகப்படியோ என்றே எனக்கு தோன்றுகிறது.தனது நிர்வாகத்தில் தவறுகள் நடந்துவிடக்கூடாதே என்ற முன் ஜாக்கிரதை முத்தண்ணாவாக இருக்க நினைத்ததே இதற்கெல்லாம் காரணமாக இருக்கலாம்.அவர்களைப் போலவே,தவறு செய்யக்கூடாது என்ற ஒரே நேர்கோட்டில் பயணிக்கிற நீங்களே அவர்களை குறை கூறுவது (அதுவும் இந்த இடத்தில்) சற்றும் பொருந்தா ஒன்று.

அந்த ஒலிநாடாவை கேட்டீர்கள்தானே...... அது போன்ற சிங்கங்களுக்கு மத்தியில் காட்டின் தலைமை பதவியில் அமர்ந்த மானின் நிலமையில்தான் தலைவி அவர்களை பார்க்கிறேன். கடந்த முறை தலைவராக இருந்த பெரியவர் அவர்களையே இந்த சிங்கங்கள் படுத்திய பாடு உங்களுக்கு தெரியும்தானே...

அல்லாஹ்வின் பெயரால் பதவி ஏற்ற உங்களின் நேர்மை உங்களுக்கு பெருமை அல்ல அது கடமை...அது தவறியவர்களுக்கு அது சிறுமை...!