IP: 188.*.*.* Saudi Arabia

அன்பர்களே! ஒலிநாடாவில் ஆரம்பித்து தன்னிலை விளக்கத்தில் தலையைக் கொடுத்து பலி கிடாவாகி விட்டவர் ஒரு புறம்! தேமேன்னு கிடந்த சிம்மினி விளக்கை தொடைச்செடுத்து அதற்கு திரி போட்டு கொளுத்திவிட்டு இப்ப அது கொளுந்து எரியும் போது எரியுற நெருப்பில் தன்னிலை விளக்க எண்ணெயை ஊற்றி அதை இன்னும் காட்டுத் தீயாக்கியது இந்த இணையதளம்! இப்ப பத்திக்கிட்டு எரியுறது பலரது நம்பகத்தன்மையும், நாணயமும்தான்!

முட்டுக்கட்டைகளைத் தகர்த்து அதை மூலையில் விட்டெறிந்து முதல் இடத்தை தக்க வைத்த ஆபிதாவின் அமோக வெற்றி, ஆணித்தரமான வாக்குறுதிகள், ஆளும் திறன், அப்பழுக்கற்ற நிர்வாகம், கறைபடியாத கரங்கள், வளைந்து கொடுக்காத மனோபாவம். என்ன வந்த போதிலும் அந்த மகாராசாவை மரியாதை நிமித்தம் கூட சந்த்திக்க மாட்டேன் எனும் அசாத்திய தைரியம், பம்பரமாகச் சுற்றி ஸ்பார்ட் விசிட்டுக்கு பறந்து போகும் விவேகம், மிரட்டலுக்கும், உருட்டலுக்கும் பயந்து ஒதுங்காமல் உறுப்பினர்களையே உறைய வைக்கும் கண்டிப்பு, இது போல இன்னும் நிறைய சொல்லிக் கொண்டே போகலாம்.

ஆக மொத்தம் இவைகளைக் கண்டு பருப்பு வேக மாட்டேங்கிறதேன்னு கவலைப்படும் கன(ரக)வான்களின் கைப்பாவையாய் ஆடாமல் காயலுக்கு நன்மை தரத் துடிக்கும் ஒரு நல்ல தலைவரை இந்த உத்தபுத்திரகள் UN FIT முத்திரையைக் குத்தி வழியனுப்ப முனைந்து விட்டார்கள். இன்னும் சிலர் நிச்சயமாக தலைவி இதற்கு மறு விளக்கம் கொடுக்க வேண்டும். கொடுத்தே தீர வேண்டும் என ஆதங்கத்துடன் பதிவு செய்துள்ளார்கள்.

ராவனனால் கடத்தப்பட்ட சீதை பல நாட்களாக அசோகவனத்தில் சிறை வைக்கப்பட்டு பின்னர் ராமனால் மீட்கப் படாள். தன் மனைவி பத்தினி என்று ராமருக்கு நன்றாகத் தெரிந்திருந்தும் ராவனனின் கட்டுப்பாட்டுக்குள்ளிருந்த சீதை உத்தமிதானா? எனும் ஊரார் பழிச்சொல் அவள் மீது படியாதிருக்க தன் சீதையை தீக் குளிக்கச் சொன்னான் ராமன்! -இது ராமாயணம்.

இப்ப நம்ம நகர்மன்றம் அசோகவனமும் இல்லை! சேர்மன் ஆபிதா மறு விளக்கம் தரனும்ன்னு அவசியமும் இல்லை! இப்படி ஆளுக்காளு தன்னிலை விளக்கன்னு தனக்குத் தோன்றியதை எல்லாம் அறிக்கையாக விட்டுக் கொண்டிருப்பாங்க! அதுக்கெல்லாம் சேர்மன் ஆபிதா பதில் சொல்லிக் கொண்டிருந்தாங்கன்னா அப்புறம் காயல்பட்டணம் டாட் காமில் வேறெ செய்தி எதுவுமே வராது! போதும் சார்! புழுதியைக் கிளறி விட்டுட்டீங்க... ஒரே புகைப்படலமா இருக்கு இதுலெ தம் படை மாற்றான் படைன்னு தெரியாம யார்? யாரெல்லாம் முட்டி மோதிக்கொள்ளப் போறாங்களோ? இப்ப சந்தோஷம் தானே உமக்கு...? கருத்தெழுதி கை வலிக்குதய்யா...!!!