IP: 176.*.*.* Saudi Arabia

திருவாளர் லுக்மான் அவர்களுக்கு மீண்டும் ஒரு சபாஷ்

நகர்மன்ற துணைத்தலைவர் தேர்தல் சமயத்தில் சென்னை மகாராஜா அவர்கள் உங்களை தொலைபேசியில் தொல்லை செய்து சில நிர்பந்தங்களை வழங்கி இதற்க்கு தாங்கள் சம்மதித்தால் உங்களை துணைத்தலைவர் ஆக்குகிறேன் என்றும், இல்லை என்றால் நான் கை காட்டும் நபரை தாங்கள் ஆதரிக்க வேண்டும் என்றும் தங்களை வலியுறுத்தியதாகவும், அதை தாங்கள் மறுத்ததாகவும் முன்பு நீங்கள் நேரடியாக எங்களிடம் சொன்ன செய்தியை இப்போதும் ஒப்புக்கொள்கிறீர்களா அல்லது மறுக்கிறீர்களா?

சென்ற மதாங்களில் தலைவி அவர்களோடு சென்னை சென்றிருந்தபோது அதே சென்னை மகாராஜாவை சந்திப்பதற்கு தாங்கள் பலமுறை தலைவியை வலியுறுத்தியதாகவும், அதற்க்கு தலைவி அவர்கள் அவரை சந்திப்பதால் ஊருக்கு எதாவது நன்மை உண்டெனில் நிச்சயம் தான் சந்திக்க தயாராக இருப்பதாகவும், தனிப்பட்ட லாபத்திற்காக நான் யாரையும் சந்திக்க விரும்பவில்லை என மறுத்துவிட்டதாகவும் கூறியதாக அறிகிறேன். இது தங்களுக்கும் நன்கு தெரியும். இதை இப்போதும் ஒப்புக்கொள்கிறீர்களா அல்லது மறுக்கிறீர்களா?

நீங்கள் ஒப்புக்கொண்டால் - தலைவி மீது தற்போது தாங்கள் அளித்துள்ள அதிருப்தி வாசகங்கள் நேரடியாக முரண்படும்.

மறுத்தால், தாங்கள் அன்று சொன்னது வேற வாய், இன்று சொன்னது .......ற வாய் என்று ஆகும். இதுகுறித்து தங்கள் கருத்து என்ன?

இங்கே சிலர், தலைவியை மெகாதான் அரியணையில் அமர்த்தியதாக மாற்றி மாற்றி கூவுகிறார்களே? நானறிந்த வரை 8 ஆயிரத்து சில்லறை வாக்குகள் வாங்கி தனிப்பெரும்பான்மையுடன் இந்தப் பொறுப்பை அவர்கள் அடைந்தார்கள் என்றே கருதுகிறேன். ஆனால், இந்த சகோதரர்களின் கூற்றுப்படி, அந்த 8 ஆயிரத்து சில்லறை பேரும் தனது சுய அறிவை அடமானம் வைத்துவிட்டு மெகாவின் மெஸ்மரிஸத்திற்கு மயங்கி வாக்களித்தார்கள் என்று கூற வருகிறார்களா அல்லது சுய புத்தியுடன் சிந்தித்து வாக்களித்தார்கள் என்று சொல்ல வருகிறார்களா? (இதற்கு மறுப்பு எழுதும் சகோதரர்கள் கவனமாக எழுதுங்க! ஏனெனில், தலைவிக்கு வாக்களித்தவர்களில் - நம் நகரில் எங்கு அவங்களுக்கு வாக்கே கிடைக்காது என்று எதிர்பார்க்கப்பட்டதோ, அந்த தெருக்களின் பொதுமக்களும் - குறிப்பாக தாய்மார்களும் அடங்குவர்.)

ஆனா ஒன்னு லுக்மான் காக்கா! மொத்தத்துல உங்க தன்னிலை விளக்கத்தின் நோக்கம் முழு வெற்றி பெற்றுவிட்டது என்று நீங்க பெருமைப்பட்டுக்கொள்ளலாம்!

ஆம்! கேவலம் - நகராட்சியின் மக்கள் நலத் திட்டங்களுக்காக உள்ள பணத்தை எப்படி தின்று கொழுத்து ஏப்பம் விடுவது என்று வாய் பிளந்து ஏங்கிய சில மக்கள் பிரதிநிதி (?) கவுன்சிலர்களின் உரையாடல் வெளிவந்துள்ள நேரத்தில், அந்தக் குறை பெரிதாகவிடக் கூடாது என்று எண்ணி, அக்பர் அரசவையில் பெரிய கோடு போட்டு ஏற்கனவே இருந்த கோட்டை சின்னதாக்கிய பீர்பாலை எல்லாம் மிஞ்சி விஷயத்தையே திசை திருப்பிவிட்டீர்கள்!

வாழ்க உங்கள் இறையச்சம்! வாழ்க உங்கள் மார்க்கத் தோரணை!! வாழ்க உங்கள் முபாஹலா!!!

அன்பு தலைவி அவர்களே! திருவாளர் லுக்மான் அவர்களின் தன்னிலை விளக்கத்திலுள்ள தங்கள் மீதான விமர்சனங்களுக்கு நானும் கூட தங்களின் பதிலை அவசரப்பட்டு எதிர்பார்த்தேன்தான்! ஆனால் இப்போது சொல்கிறேன்: முக்கால் ஆண்டை மட்டுமே நிறைவு செய்திருக்கின்ற இந்த நகர்மன்றத்தில் இன்னும் மீதி உள்ள காலங்கள் முழுக்க இவர்களோடுதான் நீங்கள் தொடர்ந்து பணியாற்ற வேண்டும்.

எனவே இது மாதிரி தடுமாற்றமான தன்னிலை விளக்கங்களைக் கண்டு கொள்ளாமல் மன்னித்து - மறந்து, அவர்களுக்கு நல்லதை எடுத்து சொல்லி, மீண்டும் அவர்களோடு இணைந்து ஊர் நன்மைக்காக செயல்படுங்கள்!

உங்கள் மீது பொழியப்படும் விமர்சன மழைகளுக்கு உங்கள் பணிகள் மட்டுமே பதில் சொல்லட்டும்!