IP: 117.*.*.* India

உங்களைத் தேர்ந்தெடுத்த மக்களாகிய எங்களுக்கு நீங்கள் செய்யும் நன்றிக்கடன்.

ஓன்றை மற்றும் நன்றாக புரிந்து கொள்ளுங்கள். இப்படியெல்லாம் நீங்கள் செய்வதால் பாதிப்பு மக்களுக்கே. வார்டு உறுப்பினராகிய உங்கள் மேல் அதிருப்தி ஏற்பட்டு அந்த வார்டு மக்கள் எல்லாம் ஒன்று சேர்ந்து கையெழுத்து வேட்டை நடத்தி கலெக்டரிடம் மனு சமர்ப்பித்தால் அல்லது சம்பந்தப்பட்ட துறை அதிகாரிகளிடம் சமர்ப்பித்தால் உங்கள் பதவியை இழக்க நேரிடும் என்பதை மறந்து விடாதீர்கள். அதற்கு நகராட்சி சட்ட விதிமுறைகளில் இடமிருக்கிறது என்பதை மறந்து விட வேண்டாம்.

அதுபோல் நகராட்சியை கலைத்து விட்டால் தலைவி அவர்களைப் பொறுத்தவரை அவர்கள்தான் அடுத்த தலைவர். மக்களிடத்தில் ஊழலுக்கு எதிராக குரல் கொடுக்கிறவர் என்ற பெயர் மக்களிடத்தில் மேலோங்கி இருப்பதால் அவர்களின் செல்வாக்கு அதிகரித்துள்ளதே தவிர குறையவில்லை. ஆனால் உங்களின் நிலைதான் பரிதாபம்.

குடிநீர் கட்டணத்திற்கு செலுத்தும் கட்டணத்தை விட அதிகமாக மினரல் வாட்டருக்கு செலவளிக்க வேண்டிய நிலை ஏற்பட்டுள்ளது. இதையெல்லாம் கலந்தாலோசித்து மக்களின் அத்தியாவசிய தேவையைப் பூர்த்தி செய்வதை விட்டு விட்டு, 'சத்திய'வான்களைப் பார்த்து 'அந்தோ நீ' யுமா என்று பரிதாபப்படும் கூட்டத்துடன் சேர்ந்து கொண்டு வெளிநடப்பாம்! வெளிநடப்பு.

இணையதளத்தில் வெளியான அந்த ஆடியோவை ஊரில் அநேகர் தற்போது ப்ளுடுத் மூலம் ஒருவருக்கு ஒருவர் பரிமாறி கொள்வதாக அறிகிறேன். விரைவில் ரிங் டோன் ஆக வைத்தாலும் ஆச்சரியப்படுவதிற்கில்லை. ஊழல் பேர்வழிகளுக்கு ஜால்ரா போடுவதை விட்டு விட்டு வார்டுக்கு நல்லது செய்ய முயற்சி எடுங்கள். இல்லையென்றால் கையெழுத்து வேட்டையைத் தவிர வேறு வழியில்லை.

கருத்துப் பதிவோருக்கு ஒரு வேண்டுகோள் : வார்டு உறுப்பினர்களின் செயல்பாடுகளில் குறைகாணப்பட்டால் அல்லது அவர் மீது அதிருப்தி ஏற்பட்டால் அவரை வார்டு உறுப்பினர் பதவியிலிருந்து பதவி நீக்கம் செய்ய ஏதாவது வேறு வழிகள் உள்ளதா? என்பதை தெளிவு படுத்தவும்.