IP: 117.*.*.* India

அன்பு மருமகனார் ராபியா மணாளன் அவர்களே...!

"பொது வாழ்வில் ஈடுபடுபவர்கள் விமர்சனங்களை தாங்கிக்கொள்ளும் பக்குவம் வேண்டும் "என்கிறீர்கள். அதெல்லாம் பொதுவாழ்க்கையை வயிற்று பிழைப்பாக கொண்டு திரிகிறார்களே.. அவர்களுக்கு வேண்டுமானால் உங்களின் புளித்துப்போன விமர்சனம் சரியாக இருக்கலாம். ஒரு சேவை மனப்பான்மையோடு ஏதோ நமது மக்களுக்கு நம்மால் இயன்றதை செய்யவேண்டும் என்கிற தூய உள்ளத்தோடு பொதுவாழ்க்கைக்கு வருகிறவர்கள் "கருத்து சுதந்திரம் "என்ற பெயரில் முன்வைக்கப்படுகிற அவதூறுகளை சகித்துக்கொள்ளத்தான் வேண்டுமா..?

உங்களுக்கு ஆபிதா அவர்களை ஆறு மாதமாகத்தான் தெரியும் எனக்கு லுக்மான் 20 வருட பழக்கமுள்ளவர். நானும் அவரும் ஆந்திராவில் ஒரே நிறுவனத்தில் பணிபுரிந்து இருக்கிறோம்.

இங்கு விஷயம் யாருக்கு எத்தனை வருடம் யார் பழக்கம் எனபது குறித்தல்ல. நூறு வருடம் ஒருவன் எனக்கு பழக்கமாக இருந்தாலும் அவர் தவறு செய்தால் அது தவறுதான். நான் இங்கு ஆபிதா அவர்களையும் குற்றம் சுமத்தவில்லை. ஒரு நல்ல நிர்வாகத்தை மக்களுக்கு தர அந்த சகோதரி முயன்று கொண்டிருக்கிறார். அதில் அவருக்கு நாம் உறுதுணையாக இருப்போம்.

நீங்கள் நாட்டுக்கு வெளியே இருப்பதால் உங்களுக்கு பலவிஷயங்கள் தெரிய வாய்ப்பில்லை. லுக்மான் தனது இரண்டாவது அறிக்கையை வெளியிடும் முன்பு தலைவிக்கும் அவருக்கும் இடையே ஒரு சமாதான முயற்சி இங்குள்ள சிலரால் மேற்கொள்ளப்பட்டது. அதுவரை அந்த அறிக்கையை வெளியிடாமல் இருக்கும்படியும் பார்த்துகொள்ளப்பட்டது. முயற்சிகள் தோல்வி அடைந்ததால் இரண்டாவது அறிக்கை வேறுவழியின்றி வெளியானது.

பதிலுக்கு தலைவி அவர்கள் அறிக்கை வெளியிடாதது பாராட்டத்தக்கது. எனது ஆதங்கமெல்லாம் கருத்து எழுதிய பலருக்கும் தனிப்பட்டு தலைவியையும் தெரியாது .லுக்மானையும் தெரியாது. ஆபிதா ஒன்றும் ஜெயலலிதாவும் இல்லை. லுக்மான் ஒன்றும் கருணாநிதியும் இல்லை. இரண்டு பேருமே சாதாரண இரண்டு நபர்கள். குடும்பம், குழந்தைகள், தொழில் என உள்ளவர்கள். இரண்டு பேருக்குமே அவரவர்கள் குடும்பம் சார்ந்து, சமூகம்சார்ந்து சுய கவுரவமும் சமூக மரியாதையும் உள்ளவர்கள். இரண்டு பேரில் யார் ஒருவருக்கும் இவைகள் பாதிக்கப்படும்போது உள்ளபடியே வருத்தம் இருக்கத்தான் செய்யும்.

ஒரு நிர்வாகம் எனில் அதில் பல்வேறு பிரச்சினைகள், குளறுபடிகள் இருக்கத்தான் செய்யும். அதிலும் நகர்மன்றம் போன்ற மக்கள் சம்பந்தப்பட்ட விவகாரங்களில் கருத்துவேறுபாடுகளும், வாத பிரதிவாதங்களும் சகஜம். ஒரு குறைபாட்டை சுட்டிக்காட்டினாலே அவரை தரக்குறைவாக விமர்சிப்பதும், துரோகி என்று சாடுவதும் ,மனம்போனபோக்கில் கண்ணைமூடிக்கொண்டு அவதூறுகளை அள்ளி வீசுவதும் என்ன நியாயம்? இங்கே "கமெண்ட்ஸ் "என்கிற பெயரில் எழுதபட்டிருக்கும் பலவும் இந்த ரகமானதுதான். ஒரு மாற்றமான அரசியலை நாம்வேண்டி நின்றால் இங்கே இன்னொரு தி. மு.க அ.தி.மு.க அசிங்கத்தை அல்லவோ இங்கு சிலர் உண்டு பண்ண முயற்சிக்கிறார்கள்..?தலைவி மீது புகழ் பாடும் கட்டற்ற சில கமெண்ட்ஸ் கலை சற்று உற்று நோக்கினால் எங்கே இன்னொரு ஜெயலலிதா உருவாகிவிடுவாரோ...என்று பயமாக இருக்கிறது. மற்றபடி எனக்கு யார்மீதும் எந்த கால்புணர்ச்சியும் இல்லை.