IP: 78.*.*.* Saudi Arabia

வாசகர் கருத்து எண் 19891 தொடர்பாக எனது எண்ணத்தைப் பதிவு செய்ய விரும்புகிறேன்:-

இந்த நிகழ்ச்சி குறித்த நோட்டீஸில் எந்தவொரு இடத்திலும் “நகராட்சி”, “நகர்மன்றம்” என்று இல்லை. நிகழ்ச்சியும் இனிதான் நடக்கப் போகிறது. அதற்குள் நாமே முந்திக்கொண்டு ஏன் “அவங்க வருவாங்களா, இவங்க வருவாங்களா?” என யூகங்களை அள்ளி வீச வேண்டும்? நல்லதே நடக்க எதிர்பார்த்துக் காத்திருப்போம்.

இந்த நிகழ்ச்சி குறித்து நான் புரிந்துகொண்டது என்னவென்றால், நகராட்சி, அரசு வங்கிகள், அரசு பள்ளிகள், கல்லூரிகள், அஞ்சலகம் உள்ளிட்ட அனைத்து அரசு சார்ந்த நிறுவனங்கள் மற்றும் தனியார் நிறுவனங்களிலும் கூட - ஊழலுக்கு ஆதரவான செயல்கள் நடக்காமல் தடுக்கும் நோக்குடன் எடுக்கப்படும் முன்முயற்சியாகவே இதை நான் கருதுகிறேன்.

எனவே, இந்நிகழ்ச்சிக்கு நகர்மன்ற உறுப்பினர்கள் மட்டுமல்ல! தலைவரும் வர வேண்டும். தலைவரோ, உறுப்பினரோ, இதர அதிகாரிகளோ, இந்த நிகழ்ச்சியை நடத்துபவர்களோ! யாருமே வானவர்கள் (மலக்குகள்) அல்ல - தவறே செய்ய மாட்டார்கள் என்று அக்மார்க் கேரண்டி வழங்க!

எனவே, தன் பொறுப்பில் இருந்துகொண்டு தவறு செய்யக்கூடாது என்ற எண்ணமுள்ள யாரானாலும் இந்த நிகழ்ச்சியில் அவசியம் கலந்துகொள்ள வேண்டும். நிகழ்ச்சி ஏற்பாட்டாளர்களும் அவர்களுக்கு சிறப்பு அழைப்பிதழ்கள் மூலம் அழைப்பு கொடுக்க வேண்டும் என்ற எனது ஆவலை வெளிப்படுத்துகிறேன்.

நடக்கும் என்ற எதிர்பார்ப்புடன்,
ஹாமித் ரிஃபாய்.