IP: 188.*.*.* Saudi Arabia

சிலருக்கு, கட்டுரை எழுதினாலும் புதுமையில்லை! கருத்தெழுதினாலும் புதுமையில்லை! அட! மீட்டிங் போட்டு மைக்கிலெ புரியும் படியா எடுத்துச் சொன்னாலும் புதுமையில்லை! அப்ப என்னதான் புதுமை? அவர் எதிபார்க்கும் அந்தப் புதுமையான புதுமைதான் என்ன?

புத்தன், ஏசு, காந்தி போன்றோர் பறைசாற்றிய கொள்கைகள் மனிதன் மனிதனாக வாழவேண்டும். பிறர் பொருளுக்கு ஆசை படக்கூடாது என்பதுதானே? இவர்கள் எல்லாம் (கிருத்துவ ராஜ் சொன்னதை போல) ஒரே மாதிரிதானே சொல்கின்றனர் இதிலென்ன புதுமை உள்ளது? எனக் கேட்பது போல் உள்ளது.

நம்மில் சிலர் எதுக்கெடுத்தாலும் சலித்துக்கொள்வார்கள், உதா:

நீங்க சாப்பிடல்லையா? எனக் கேட்டால்
ம்...என்னத்த சாப்பிட்டு?

ஊருக்காப் போறீங்க?
ம்...என்னத்த ஊருக்குப் போயி?

வாக்கிங் போகல்லையா?
ம்...என்னத்த வாக்கிங் போயி...

இப்படி ஆயிரம் என்னத்த போடும் கண்ணையாக்களை திருப்தி படுத்தவே முடியாது.

தொடர்ந்து சங்கு சத்தம் கேட்டுக்கொண்டேதான் இருக்கு! அது அவர்கள் காதுகளில் விழுவதில்லை! ஆப்புகள் கூர் தீட்டப்பட்டுக் கொண்டேதான் இருக்கு! அது அவர்கள் கண்களுக்குப் புலப்படுவதில்லை! மக்கள் உஷாராக இருக்க வேண்டும். அதன் எதிரொலிதான் இது போன்ற விழிப்புணர்வு நிகழ்ச்சிகள்.

கூட்டம் குறைவாக இருந்ததால் மண்ணின் மைந்தனே வருந்த வேண்டாம். நல்லதை நல்லோர்கள் கூறும் போது கூடும் கூட்டமும் குறைவாகத்தான் இருக்கும்! நம்ம ஊரைப் பொறுத்த மட்டில் இது ஓர் புதுமையான நிகழ்வுதான். மறுப்பதற்கில்லை!

-ராபியா மணாளன்.

Moderator: பிற ஊடகங்களை மேற்கோள் காட்டும் வாசகங்கள், விவாதத்தைத் தூண்டும் வாசகங்கள் தணிக்கை செய்யப்பட்டுள்ளன.