IP: 117.*.*.* India

அஸ்ஸலாமு அலைக்கும்!

அன்பு சகோதரர்களே ! கீழ்வரும் பாடல், நாம் ஆயிரத்துநானுறு ஆண்டுகளுக்கு மேலாக புனித றமழான் இரவுகளில் 20 றக அத் தறாவீஹ் தொழுத பின் பற்பல விசேஷமான துஆ களைகேட்போம்.

அவ்விதமாகவே சென்ற 300-400 வருடங்களாக தென் இந்தியா, இலங்கை, கிழக்கிந்திய நாடுகளில் ஓதிவரும் ”அல்லாஹும்மஜ் அல்னா மினல் ஈமானி காமிலீன்” எனும் தறாவீஹ் துஆவின் கருத்துக்களை ஒன்றுபடுத்தி அடிவாரியாக மற்ஹூம் எஸ். எம். பி.மஹ்மூது ஹுஸைன் ( அல்லாஹும்மங்ஃபிற் லஹூ வற் ஹம்ஹூ) அவர்களால் அல்ஹாஜ். T.M.றஹ்மதுல்லாஹ் அவர்களின் வேண்டுகோளின்படி தமது தாயார் மற்ஹூமா அல்ஹஜ்ஜா மற்ஹூமா நூ.கு.ஃகதீஜா உம்மா (அல்லாஹும் மங்ஃபிற் லஹா வற்ஹம்ஹா) (1984ல் மறைவு) அவர்களின் நினைவு தினத்தில் (24-4-2004ல்) யாத்தளித்த பாடலாகும்.

இப்பாடல் றமழான் ஹிட் ஸாங்ஸ் ஆகிய= யா றஹ்மானே எங்களின் பாவம் நீங்கிட செய்வாயே ! =எனும் இசையாகும் ********** ********* ********* ******* *****

1. ஆதி மன்னானே எங்களின் ஈமான் முழுமையென்றேற்பாயே.–உன்றன் ஆணையின் படியே தொடர்ந்து நற்றொழுகை ஆற்றிட அருள்வாயே ! ஆமீன் ! !

2. ஏழைகள் வரியாம் ‘’ Z ஜகாத் ” தினை இறுத்தே உனதுசன் மானம் பெற – இறை ஏகனுன் கருணை மண்ணிப்பை யடையும் இயல்பினை அருள்வாயே ! ஆமீன் ! !

3. பூதல வாழ்வின் மாயையை வெறுத்தே மறுமையின் நினை வேந்தி – உன்றன் ஆதார விதியில் அருட்கொடை யதனில் நிறைகொள்ளப் புரிவாயே ! ஆமீன். ! !

4. நாதனே உனது சோதனை சகிக்கும் நெஞ்சுரம் தருவாயே – அதி நீதனே உனது நன்றிக்கு உரியோன் ஆகிட அருள்வாயே ! ஆமீன் 1 !

5. ” மஹ்ஷரில் “ உனது மாண்புயர் ஹபீபு மஹ்மூது நபியவர்தம் – பெரும் மகத்துவ மிலங்கும் கொடிநிழல் ஒதுங்கும் மாட்சியைத் தருவாயே .. ! ஆமீன் ! !

6. “ ஹவ்ழுல் கவ்தர் “எனும் நீர் நிலையை அடைந்திடப் புரிவாயே – இனும் ஸுந்திசஸ்தப்றக் எனும் எழிலாடை அணிந்திட அருள்வாயே ! ஆமீன் ! !

7. மங்கள ஹூறுள் ஈன்களை மணந்து மகிந்திடப் புரிவாயே – மிக இங்கித மளிக்கும் பானங்கள் பருகி இதம் பெற அருள்வாயே ! ஆமீன் ! !

8.நின்னருள் அடைந்த “ ஸித்தீக்கீன்கள் “ “ஸாலிஹீன் ” “ஷுஹதாக்கள் “ _ உயர் புண்ணியருடனே எங்களை இணைந்தே பயன் பெறச் செய்வாயே ! ஆமீன் ! ! யா றஹ்

9 கமழ்ந்திடும் “ றமழானில் “உகந்து கடமைகள் முடித்தோராம் – அந்த கண்ணியர் உனது நேசத்தை அடைந்தோர் குழுவினில் சேர்ப்பாயே ! ஆமீன் ! ! யா றஹ்..

10. உன்வெறுப் படைந்துன் மன்னிப்பை யிழ்ந்தோர் எரிநர கினுக்குரியோர் – அந்த வம்பினர் குழுவில் எமை இணைக்காமல் வரமருள் முதலோனே ! ஆமீன் ! ! யா றஹ்....

11. நரகத்தில் அதனின் திடுக்கத் திலிருந்தே நீங்கிய நெறியாளர் - அந்த சிறப்பினுக்குரிய நல்லோர் குழுவில் சேர்த்தெம்மை வைப்பாயே ! ஆமீன் !! யா றஹ்...

12. மறுமையின் நீதி மன்றினில் எமக்கு மன்னிப்பை அருள்வாயே –மனம் உருகியே கேட்கும் இந்த “ துஆ “வை உவந்துநீ ஏற்பாயே! ஆமீன்!! –யா றஹ்........

13 எங்களின் ஏந்தல் நபியஹ் மதர்க்கும் தோழர்கள் தொடந்தோர்க்கும் – வெகு சங்கை ஸலாம் ஸலவாத்துக்கள் நிதமும் சொரிந்தருள் புரிவாயே ! ஆமீன் ! ! – யா றஹ்

* ஸல்லல்லாஹு அலா முஹம்மது ஸல்லல்லாஹு அலைஹி வ ஸல்லம் *

காசிம் புலவர் பதிப்பகம் சார்பில் 22-10-2004ல்வெளியான மனோ ரஞ்சிதம் எனும் நூலில் இந்தப் பாடல் இடம் பெற்றுள்ளது) மேலும் இந்த (துஆ} அமைப்பான பாடலின் காரணிகள் அனைவர் ஹக்கிலும் குறிப்பாக மற்ஹூம் மஹ்மூது ஹுஸைன் ௯ஆல்லாஹும்மங்ஃபிர் லஹூ வற்ஹம் ஹூ)அவர்கள் கள் ஹக்கிலும் துஆ செய்யும்படி வேண்டுகிறோம்.