IP: 101.*.*.* India

அஸ்ஸலாமு அழைக்கும்!

உண்மைதான் மாமா இன்றைய குழந்தைகள் நிறைய பேருக்கு சரியாக படிக்கவும் தெரியவில்லை எழுதவும் தெரியவில்லை. இதற்கு காரணம் பெற்றோர்கள் தங்கள் பிள்ளைகளை சரியாக கவனிப்பது இல்லை என்பதே உண்மை...

என்னுடன் படிக்கும் மாணவன் ஒருவன் `வைகை ` என்று எழுவதற்கு பதிலாக `வேகை` என்று எழுதுகிறான். அவன் தமிழ் எழுதும் பொழுது நிறைய பிழைகள் செய்கிறான். ஒரு இன்ஜினியரிங் படிக்கும் மாணவனுக்கு தன் தாய் மொழியை கூட சரியாக எழுத தெரியவில்லை என்று சொன்னால் அவனால் எப்படி வேறு மொழியை கற்று தேற முடியும்.

எனவே பெற்றோர்கள் தங்கள் குழந்தைகளுக்கு ஆரம்பம் முதலே அடிப்படை விசயங்களை கற்று கொடுக்க வேண்டும். அதான் அவர்கள் டியூஷன் செல்கிறார்களே அங்கே படித்து கொள்வார்கள் என்று இருக்காமல் இன்று ஆசிரியர் என்ன சொல்லித்தந்தார் நீ என்ன கற்று கொண்டாய் என்று அறிந்துகொண்டு நாமும் கற்று கொடுக்க வேண்டும். மேலும் அவர்கள் சரியாக பள்ளிக்கு செல்கிறார்களா டியூஷன் செல்கிறார்களா என்பதை அறிந்து தங்கள் பார்வையில் வைத்துகொள்ள வேண்டும்.

அதற்கு அவர்களை ஓயாமல் படி படி என்று சொல்லாமல் படிக்க வேண்டிய நேரத்தில் படிக்கவும் விளையாட வேண்டிய நேரத்தில் விளையாடவும் வைக்க வேண்டும்.

அசர் நேரத்தில் படி டியூஷன் செல் என்று சொல்லாமல் அந்த நேரத்தில் விளையாட விட்டு விட்டு மக்ரிபுக்கு பின்னால் படிக்க வைப்பது நல்லது.

எனவே பெற்றோர்கள் தங்கள் குழந்தைகளை நன்றாக படிக்கவைத்து வரக்கூடிய தேர்வில் நல்ல முறையில் தேர்ச்சிபெற உதவ வேண்டும்.

10 மற்றும் 12 படிக்கும் மாணவர்கள் கூடுதலாக கவனம் செலுத்தி படிக்க வேண்டும். பெற்றோர்கள் இந்த பிள்ளைகளை சுபுஹுக்கு எழுப்பி விடுவது அவர்கள் சோர்வடையும் பொழுது தேநீர் போட்டு கொடுப்பது போன்ற உதவிகளை செய்ய வேண்டும்.

வரக்கூடிய பொதுத்தேர்வில் எல்லா மாணவர்களும் நல்ல முறையில் எழுதி அதிகமான மதிப்பெண் பெற எல்லாம் வல்ல அல்லாஹ் நல் அருள் புரிவானாக ஆமீன்....