IP: 205.*.*.* United States

அநேகமாக சகோ. ரபீக் 'ரூம்' போட்டு யோசிச்சிருப்பருன்னு நினைக்கிறேன். இவ்வளவு பெரிய லிஸ்டை தயார் பண்ணுவதட்க்கு எத்தனை பேர் ஹயாத்தை வாங்கினாரோ. கட்டுரைக்கு பதிலாக ஒரு 'காயல் வார்த்தை களஞ்சியங்கள்'என்று ஒரு கையேடு/அகராதி வெளியிட்டிருக்கலாம். இதனை படித்த போது, கல்லூரி வாழ்க்கை தான் ஞாபகத்துக்கு வருகின்றது.

என்னுடைய கல்லூரி பேட்ச்சில் மொத்தம் 11 காயலர்கள் படித்தோம். நமது பேச்சு வழக்கை கிண்டல் (Ex : சோமா ஈக்கியா, துணிய 'கழுவு'றான் (தப்புறான்/ துவைக்கின்றான்), இப்பதான் செருப்பை தொட்டுட்டு (போட்டுட்டு) போறான் என்போம் ) பண்ணுவதே ஒரு சிலருக்கு வாடிக்கை. அதற்காக நாமும் அப்படியே இருக்க மட்டோம்லே (காயலான்னா சும்மாவா)... திரும்ப எதாவது அவனுகளை சொல்லி 'off' பண்ணிடுவோம் என்பது வேற விஷயம்.

இதை படித்தவுடன் தான் இவ்வளவு வார்த்தைகள் இருக்கின்றதா என்ற வியப்பு / ஞாபகத்துக்கு வருகின்றது.சில வார்த்தைகளை நாம் மறந்து விட்டோம் என்பதும் உண்மை.இவைகளில், சில வார்த்தைகள் (குறிப்பாக அரபுத்தமிழ்) நமதூரில் மட்டுமன்றி முஸ்லிம்கள் அதிகம் வாழும் ஆதிரை, கிழக்கரை போன்ற ஊர்களிலும் பயன்படுத்துகின்றார்கள்.

என்னுடைய ஒன்றரை வயது மகனை,இங்கு பிள்ளைகளை பயமுறுத்துவதை போல 'மான்ஸ்டர்'(Monster) வருது என்று பயமுறுத்தினால் அவன் அது மாதிரி சவுண்ட் (உறுமி) பண்ணி நம்மை பயமுறுத்துகின்றான். நமதூர் பாசையாகிய 'கபகபா' வர்றான் என்றால் கொஞ்சம் அச்சப் படுகின்றான். வீட்டுக்கு வருகின்றவர்களுக்கு 'கபகபா' வின் விளக்கம் கொடுத்தே நேரம் போகின்றது. நமதூர் பெண்மணிகளின் மண்வாசனை மாறாத காயல் தமிழை பார்த்து வியப்பவர்களும் & ஓட்டுபவர்களும் இங்கே உண்டு.

இங்கே குறிப்பிடபட்டுள்ள பெரும்பாலான வார்த்தைகள் பிறர் நம்மை கேலி செய்கின்றார்களே என்பதட்க்காகவும், வசிக்கும் இடத்திற்கும் பிற நாட்டின் கலாச்சாரத்திற்கும் தகுந்தாற்போல் மாற்ற வேண்டிய கட்டாய காலச்சூழ்நிலை நம்மவர்களுக்கு ஏற்படாமல் இல்லை. மேலும் நமது மக்கள் பரந்து விரிந்து பரவுவதை பார்த்தால் காலப்போக்கில் இவ்வார்த்தைகளின் பயன்பாடு வருங்கால தலைமுறையினரிடத்தில் மங்கினாலும் (தெரியாமல் போனாலும்) ஆச்சர்யபடுவதற்கில்லை.

போன வருடம் காயல் நல மன்றம் - UK காயல் வார்த்தை விளையாட்டு என்று ஒன்றை நடத்தியது போல வெளியூர் மற்றும் வெளிநாட்டு காயல் நலமன்றங்கள் அது போன்று நடத்தினால் காயல் தமிழை இளைய தலைமுறையினரிடத்தும் நாம் எடுத்து செல்லலாம்.

" கொதரத்து ,பைத்தாணம்,உக்கு குடிச்சீலா,ஹக்கு சொன்னீலா, பெரளி ,எங்கனக்குள்ள,பிருஷம்,கொமரு,இ(பி) ஸ்கோத்து,கொழிக்கி,குளுவுது, தலவாணி,மா(வ)ன்னா,படிக்கன்" - இவைகளையும் உங்கள் காயல் வார்த்தை களஞ்சியங்கள் லிஸ்ட்டில் சேர்த்துக் கொள்ளுங்கள்.

நமதூர் வழக்கு தமிழ் இது போன்ற வார்த்தைகளை மட்டுமன்றி, நமது 'சுத்த தமிழ்' (Ex :முற்றம், கறி/புளி ஆணம்,தாலம்,சோறு) வார்த்தைகளின் பயன்பாட்டை அறிந்து கி.ஆ.பெ.விஸ்வநாதன், மூ.வரதராசனார் & வலம்புரிஜான் போன்றோர் நம்மை பாராட்டியதாக பிறர் கூற கேட்டிருக்கிறேன்.

எது எப்படியோ வாழ்க காயல்... வளர்க காயல் வார்த்தை களஞ்சியங்கள்!!