IP: 117.*.*.* India

தம்பி ஹசன் அவர்களின் ஆதங்கம் புரிகிறது

.அலைபேசியும் இணையதளமும் இல்லாத உலகை கற்பனை செய்துகூட பார்க்க முடியவில்லை. கூட்டல் கழித்தல் கூட கால்குலேட்டர் இல்லாமல் செய்யமுடியாத ஒரு யுகத்தில் வாழ்கிறோம். இதையும் தாண்டி ROBOISM என்று புதிதாக எல்லாவற்றையும் விழுங்கிவிடும் எல்லாவற்றையும் தானே செய்யும் ஒரு கருவி உருவாகி அதை நோக்கி இளைஞர்கள் வேகமாக சென்றுகொண்டிருக்கிறார்கள்.

பணத்தின் மீதுதான் பக்தி என்ற பின் பந்த பாசங்கள் ஏதடா என்று ஒரு கவிஞன் கேட்பது உங்கள் காதுகளில் விழுகிறதா...எனவே நீங்கள் எதை ஒதுக்க சொல்கிறீர்களோ., எதை பெற்றோர்கள் வாங்கி கொடுக்ககூடாது என்று சொல்கிறீர்களோ அவற்றை மக்களே தங்கள் பாக்கெட்டிலிருந்து கொடுத்து வாங்குவதற்கு தயாராக இருக்கிறார்கள்.

இந்த சிறிய ஊரில் எத்தனை கைபேசி விற்கும் கடைகள். மிக குறைந்த விலையில் மடிக்கணி நம் மாணவ மாணவிகள் மடியிலே இப்போது வந்து விழுகின்றன, அதற்கு விலையில்லா மடிக்கணி என்று புரட்சி தலைவியின் பரிபாஷையில் சொல்லலாம். தொலைக்காட்சி பெட்டி ஏற்கெனவே கலைஞரின் கடைக்கண் பார்வையால் ஒவ்வொரு வீட்டிலும் இருக்கிறது.என்ன வளம் இல்லை இந்த திருநாட்டில் என்பதுபோல் என்ன பொருள்கள் இல்லை நமதூரில் அதை வாப்பா உம்மாதான் வாங்கி கொடுக்கவேண்டும் என்ற நிலையிலும் மாணவர்கள் இல்லை. ஒன்றும் புரியவில்லை.

ஆனால் இவை எல்லாம் இருந்தும் இறை அச்சம், ஹராம் ஹலால் பேணி வாழ்கையை முன்னெடுத்து செல்ல மார்க்க கல்வி கற்று தேறியிருந்தால் அந்த இஸ்லாமிய நெறிமுறையுடன் வாழ்க்கையை அமைத்துக்கொண்டால் யாரும் வழி தவற மாட்டார்கள்.அதற்காக து ஆ செய்வோம்.அந்த முயற்சியில் ஈடு பட்டுள்ள கல்வி நிறுவங்களை நாம் போற்றி அதற்கு ஊக்கம் கொடுப்போம்.

இருட்டாக இருக்கிறதே என்று கவலைப்படுவதைவிட அங்கே ஒரு சிறு தீகுச்சியயாவது உரசி வெளிச்சம் வரசெய்வோம். உங்கள் கட்டுரையில் காணப்படும் புள்ளியியல் கூட கணினியின் உதவிதான். உங்கள் முயற்சிக்கு பாராட்டுக்கள்.