IP: 117.*.*.* India

என் பாசத்திற்குரிய சகோதரர் ஸாலிஹ் காக்கா மற்றும் அவரது தம்பிமாரான எனதன்பு நண்பர்கள் புகாரீ, அபுல் மஆலீ ஆகியோரின் சகோதரியாரின் மறைவுச் செய்தி மனதை வாட்டியது.

செய்திப்பணிக்காக மருத்துவர் தெரு வழியே செல்கையில், அவர்கள் வீட்டின் முன் நின்றுகொண்டிருந்த கூட்டத்தைப் பார்த்தே அன்னாரின் மறைவுச் செய்தியை துவக்கமாக அறிந்துகொள்ள முடிந்தது.

ஒரு சகோதரர் தெரிவித்துள்ளது போல, நல்ல மனதுடைய இவர்கள் சுகவீனத்தை இன்முகத்துடன் பொறுத்துக்கொண்ட காரணத்தால், அவர்கள் அறிந்தோ - அறியாமலோ செய்த பாவங்களைக் கரைத்திட அதுவே போதுமானதாக இருந்து விடட்டும்!

நம் உயிரினுமினிய கண்மணி ஸல்லல்லாஹு அலைஹி வஸல்லம் அவர்களிடம் ஒரு பெண்மணி வந்து தனது நோய் குறித்து தெரிவித்துவிட்டு, இந்நோய் அகல இறையோனிடம் பிரார்த்திக்குமாறு கேட்டுக்கொண்டபோது, “இந்நோயை நீவிர் பொறுமையுடன் சகித்துக்கொண்டால் - அதுவே உம் பாவம் கரைந்திட காரணமாகிவிடும்” என்ற கருத்தில் தெரிவிக்க, அப்பெண்மணியும் அதனை ஆவலுடன் ஏற்றுச் சென்ற சரித்திரத்தை இங்கே நினைவுகூர்வது பொருத்தமாகப் படுகிறது.

கருணையுள்ள அல்லாஹ், இப்பெண்மணியின் பாவப்பிழைகளனைத்தையும் பொறுத்தருளி, மறுமையில் ஜன்னத்துல் ஃபிர்தவ்ஸ் எனும் உயர் சுவனத்தில் அவர்களையும், நம்மையும் நுழையச் செய்வானாக, ஆமீன்.

அன்னாரின் குடும்பத்தினரனைவருக்கும் எனதன்பு அஸ்ஸலாமு அலைக்கும் என்ற முகமனைத் தெரிவித்து, பொறுமையுடன் மர்ஹூமாவிற்காக துஆ இறைஞ்ச அன்புடன் வேண்டுகிறேன்...

“எல்லா ஆத்மாவும் மரணத்தைச் சுவைத்தே தீர வேண்டும்” என்ற இறைமறை திருக்குர்ஆன் வசனத்தை நினைவுகூர்ந்தவனாக,

எஸ்.கே.ஸாலிஹ்.