IP: 117.*.*.* India

முதலமைச்சர் அவர்களுக்கு நன்றி.

வாழ்த்து தெரிவிப்பதிலும் ஒரு நாகரிகம். நபிகள் நாயகத்தின் பொன்மொழிகளை கற்றுணர்ந்தவர்கள் சொல்லும் அற்புதமான வாசகங்களை இணைத்து தாங்கள் வெளியிட்டுள்ள செய்தி எங்களை பரவசமடைய செய்கிறது.

தாங்கள் தமிழகத்தில் வாழும் சிறுபான்மை முஸ்லிம்களுக்கு அரணாக அவசியமான நேரங்களில் குரல் கொடுப்பவர்களாக தேவையான நேரத்தில் உதவி கரம் நீட்டுபவர்களாக மாறி வருவது எங்கள் உள்ளங்களில் உவகை ஊட்டுகிறது. புனித ஹஜ்ஜுக்கு செல்பவர்களுக்கு உங்கள் முயற்சியால் கூடுதல் இடம் கிடைத்துள்ள செய்தியும் படித்து இந்த நல்ல நாளில் பெருமிதம் கொள்கிறோம்.

தேர்தல் காலங்களிலும் நீங்கள் இந்த அன்பையும் பாசத்தையும் முஸ்லிம்களிடம் காட்ட வேண்டும் என்று கேட்டுக்கொள்கிறேன்.ஆட்சிகள் மாறலாம். அது வெறும் காட்சி மாற்றந்தான். ஆனால் மதவாத சக்திகளுக்கு துணை போனால் அது உங்கள் மத சார்பற்ற உணர்வுகளை கேள்விக்குறியாக்கி விடும். நீங்கள் சென்றாலும் உங்களை பற்றி மக்கள் பேச வேண்டும். உங்கள் தானை தலைவர் புரட்சி தலைவர் எம்ஜீஆர் சொன்னதுபோல்

" இருந்தாலும் மறைந்தாலும் பேர் சொல்ல வேண்டும் இவர் போல யார் என்று ஊர் சொல்ல வேண்டும்"

. நீங்கள் முஸ்லிம் சமுதாயத்துக்கு ஆதரவாக இருக்கும் காலமெல்லாம் எந்த தீய சக்தியும் உங்களை அணுகாது அனுகவிடமாட்டோம் என்று உங்களுக்கு இந்த நல்ல நாளில் உறுதியளிக்கிறோம். . நன்றி.