IP: 2.*.*.* Saudi Arabia

எங்கேயோ கேட்ட குரல்:-

( நான்கு அம்மணிகள் கதைத்துக்கொண்டு இருந்தது)

- ஆமாம், மோட்டார் போட்டு தண்ணீர் உறிஞ்சினால், நம் வீட்டிற்கு நகராட்சி ஆட்கள் வந்து குடிநீர் இணைப்பை துண்டித்து விடுவாங்களாமே..!! அப்புடியா..!

- அது எல்லாம் சும்மா.. ஒரு முடுக்கிலே 8 வீட்டிலே மோட்டார் உள்ளது.. நகராட்சியில் உண்டான வேலை பார்க்கவே ஆட்கள் இல்லை. இந்த லட்சணத்தில் ஒவ்வொரு முடுக்கா.. ஒவ்வொரு வீடா.. ஒவ்வொரு தெருவா தோண்டி.. தோண்டி.. கட் பண்ணப்போகிறார்களாக்கும்.

- இதாவது பரவாஇல்லை.. -----------ங்க வீடு, ------- வீடு எல்லாம் 2 வருடம், ஒன்னரை வருடங்களாக குடிநீருக்கு கட்டணமே கட்டவில்லை. அதை கண்டுக்கொள்ளவே நகராட்சியில் ஆட்கள் இல்லை..

- வராத குடிநீர் இணைப்பு இருந்தால் என்ன.. கட் பண்ணினால் என்ன..!! எங்க வீட்டு லைனில் அடைப்பு இருந்ததை சரிபண்ண, ரோட்டில் குழியை நோண்டி, எங்க லைனை கண்டு பிடிக்கவே ஒரு நாள் ஆச்சு..என்னத்தை கட் பண்ண.
-----------------------------------------
ஆக, லைன் கட் பண்ணுவது என்பது முடியாத காரியம் என்று அனைவர்களுக்கும் தெரிந்தது தான்.
___________________________________
முந்திய காலத்தில், தெருவில் ஆங்காங்கு ஒன்று இரண்டு பொது குடிநீர் பைப் இருந்தது. அனைவர்களும் இங்கு வந்து தண்ணீர் பிடித்து செல்வார்கள்.

- சிறிது காலம் சென்றதும், சற்று பணம் உள்ளவர்கள் அவர்கள் வீட்டிற்கு குடிநீர் லைன் எடுத்தார்கள். அப்போது மற்ற மக்கள் எல்லாம் இவர்களை திட்டு.. திட்டு.. என்று திட்டினார்களாம். நாங்கள் எல்லாம் தெருவில் கஷ்டப்படனும், இவங்க வீட்டுக்கே லைன் போட்டு உறிஞ்சுவார்களாம். இது சரியா என்று விவாதம்.

பின்பு, மக்கள் அனைவர்களும் வீட்டிற்க்கே லைன் எடுத்து, இந்த தவறு சரியாக மாறிவிட்டது.

- காலம் மாறியது, குடிநீர் சரியாக வராததால், சில பணக்காரர்கள் அவர்கள் வீட்டில் கை அடிபம்பு வைத்தார்கள்.

- உடனே மற்ற மக்கள்.. பார்த்தீர்களா.. பார்த்தீர்களா.. இப்படி கைபம்பு வைத்து தண்ணீர் உறிஞ்சுகிறார்கள்.. இது ஹராம்.. அப்படி.. இப்படி.. என்று கூச்சல் போட்டார்கள்.

- காலம் மாறியது. அனைவர்களும் கை பம்பு வைத்து தண்ணீர் அடிக்க ஆரம்பித்ததும், இந்த தவறு சரியாக ஆகிவிட்டது.

- இன்றைய காலத்தில், அதிக சதவீத வீட்டில் மின் மோட்டார் வைத்து தண்ணீர் உறிஞ்சிக்கொண்டு இருக்கின்றார்கள். இந்த தவறு நாளை சரி ஆக மாறலாம்..!!! ( என் வீட்டில் இல்லை).

ஆக, மின் மோட்டார் வைத்து தண்ணீர் எடுப்பது தவறு இல்லை.

ஆனால் வரம்பு மீறாதீர்கள். உங்களுக்கு குடிப்பதற்கு எவ்வளவு தேவையோ அதை மட்டும் எடுத்துக்கொள்ளுங்கள்.

குளிக்க, பாத்திரம் கழுவ, ---- கழுவ என்று கீழே உள்ள தொட்டியை நிறைத்து, மொட்டை மாடியில் உள்ள தொட்டியை நிறைத்து, தோட்டத்தில் உள்ள மரம் செடிகளுக்கு குடிநீரை பாய்ச்சி கொடுமை பண்ணுகிறீர்களே.. இது தான் தவறு. சில வீட்டில் நல்ல தண்ணீரை கிணற்றில் விடும் அவலமும் நடக்கின்றது. இது மாதிரியான செயல்கள் தான் வரம்பு மீறுதல் என்பது. அல்லாஹ்விற்கு பயந்து நடந்து கொள்ளுங்கள்.

**** நிச்சயமாக அல்லாஹ் வரம்பு மீறுவோரை நேசிப்பதில்லை.****

சாளை S.I. ஜியாவுத்தீன், அல்கோபார்