IP: 117.*.*.* India

என்ன ஆச்சரியம். பஸ்ஸில் கொண்டு போன 5 கிலோ தங்கம் கொண்டு போனவர் தூங்கும்போது யாரோ அடித்துக்கொண்டு போய்விட்டார் என்பதையே நம்புவதற்கு கஷ்டமாக இருக்கும்போது, இப்படி நமதூருக்கு வரும் தண்ணீர் லட்சக்கணக்கான லிட்டர்கள் காணாமல் போனது என்றால் எப்படி நம்ப முடியும்.

காயல்பட்டினம் வாசிகள் உலகில் எல்லா பகுதிகளிலும் வசிக்கிறார்கள். சமீபத்தில் மறைந்த விண்வெளி வீரர் ஆம்ஸ்ட்ராங் விண்ணில் காலடி வைத்தபோது அங்கே யாரோ டீ வடை என்று கூறி திரிந்தானாம் கூப்பிட்டு கேட்டதில் எனக்கு காயல்பட்டணம் சொந்த ஊர் என்றானாம் என்று கேலியாக கூறுவார்கள். அந்த அளவு பரந்து விரிந்து தொழில் புரியும் நம்மவர்களுக்கு காதில் பூ சுற்றுவது அவ்வளவு லேசான காரியமில்லை.

அமெரிக்காவில் திவாலான ஒரு வங்கியின் செய்தி சஹர் நேரத்தில் நமதூர் மக்களுக்கு முதன்முதலாக கிடைத்து ஐசீசீஐ வங்கியை நம்மவர்கள் முற்றுகையிட்டது ஞாபகம் இருக்கிறதா. இந்த அளவு தொழில் நுட்ப திறமை வாய்ந்த நம்மவர்கள் இப்படி சாதாரண தண்ணீர் விஷயத்தில் அலைக்களிக்கபடுவதும் ஒவ்வொரு நாளும் ஒவ்வொரு காரணம் சொல்லப்படுவதும் ஏற்றுக்கொள்ளக்கூடியதாக இல்லை.

ஏதோ சதி நடக்கிறது. இதை ஊரிலுள்ள ஜமாஅத்தார்களும் பொது நல நிறுவனங்களும், ஐக்கிய பேரவை மற்றும் எல்லோரும் தலையிட்டு ஒரு மாபெரும் போராட்டத்துக்கு மக்களை தயார் படுத்த வேண்டும்.

இணையதளங்களும் இதற்கு முழு மூச்சில் இறங்கி வேலை செய்ய வேண்டும். நேற்று காக்கும் கரங்கள் கூட்டிய கூட்டம்போல் ஊர் கூட்டம் ஒன்று அவசரமாக கூட்டப்பட வேண்டும். செய்யுங்களேன். அல்லாஹ் உங்கள் முயற்சிக்கு நல்ல வெற்றியை தருவான்.

வீண் விவாதங்கள் செய்துகொண்டு காலம் கடத்துவதை விட ஊருக்கு ஒரு உருப்படியான் வேலை செய்வோம் வாருங்கள்.