IP: 117.*.*.* India

அருமையாக சொன்னீர்கள். இலங்கையில் இருந்து வந்த உங்களுக்கு நமது நகர்மன்றம் மிக சிறப்பான வரவேற்பு அளித்து கவ்ரவித்து இருக்கிறது. வரலாற்று சிறப்புமிக்க காயல்பதி என்று செல்லுமிடமெல்லாம் நம் மண்ணின் பெருமையை பேசிக்கொண்டிருக்கிறோம்.

காயல்பட்டினம் எங்கள் இஸ்லாமிய இன்சுவை சமையலில் உப்பு சேர்த்த கலைநகரம். இங்கே கிடப்பது புளுதியல்ல, மக்கமா மலரின் மகரந்த பொடிகள் . இங்கே ஏறல் எழுத்திலும் இறை மறை இருக்கும் அலைகளின் வாயும் ஹதீதுகள் பேசும்.

நாமெல்லாம் யார் சேகுதம்பியின்(சேகுதம்பி பாவலர்) சின்னதம்பிகள், பீரப்பாவின் பேரப்பிள்ளைகள்....இப்படி கவிக்கோ அப்துர் ரஹ்மான் நம்மை புகழ்ந்து பாடுவார்கள். அவர்களை கூட்டி வந்து நமது நகர் மன்ற நிகழ்சிகளை பார்வை இட சொன்னால், அவர் பாடிய பாடல்களை மாற்றி பாடிக்காட்டுவார்.

கொள்ளையடிப்போர் வள்ளலைப்போலே, கோவிலை இடிப்போர் சாமியை போலே காண்கின்றேன் பின்னே பாவ புண்ணியம் என்பது என்ன நன்மை தீமை என்பது என்ன பாரினிலே....என்று கண்ணதாசன் பாடுவார்.

ஒரு காலத்தில் உங்களை நமது நகரமன்ற தலைமை தேடிவந்தது, நான் அதை ஏற்கவில்லை என்று சொன்னீர்கள். இப்போது அதற்கான தருணம் கனிந்து வந்துள்ளது. உங்கள் கட்டுரை மற்றவர்கள் விழிநீரை துடைக்குமா அல்லது விழித்திரைகளை திறக்குமா பொறுத்திருந்து பார்ப்போம் . உங்களை விமர்சனம் செய்து எழுதுவதை நீங்கள் தாங்கிக்கொள்ள வேண்டும். ஏனென்றால் எதையும் தாங்கும் இதயம் உள்ளவர்கள்தான் இப்படி கட்டுரைகளை, தான் கண்ட அவலங்களை அச்சேற்ற முடியும். நாடக வேஷம் கூடவராது நாளைய உலகம் இவரை விடாது.ஒருநாள் திரை விலகும் உண்மை வெளிச்சத்துக்கு வரும் அப்போது இந்த நகர் மன்றம் நீங்கள் எதிர்பார்க்கும் சிறப்பு மன்றமாக செயல்படும்....ஆம் அப்படித்தான் நம்பிக்கொண்டிருக்கிறோம்...நம்பிக்கை தானே வாழ்க்கை.

நீங்கள் "துரை" என்று அழைக்கப்படுவதால் நீங்கள் ஆங்கிலம்தான் பேசுவீர்கள் என்று நினைத்திருந்தேன். இப்படி தூய தமிழில் ஒரு கட்டுரை உங்களால் எழுத முடிகிறது என்றால் நிச்சயம் "காயல்பட்டினத்தின் தமிழின தலைவன்" என்று ஒரு பட்டம் வழங்கலாம் போல் தெரிகிறது. வாழ்த்துக்கள்.