நடுநிலையான கருத்து posted byமுஹம்மது புகாரீ (காயல்பட்டினம்)[03 September 2012] IP: 117.*.*.* India | Comment Reference Number: 21752
மரியாதைக்குரிய காவாலங்காவின் தலைவர் அவர்களின் வரிகள் வாசிக்கின்ற ஒவ்வொருவரையும் நியாயமாகவும் நடுநிலையாகவும் சிந்திக்க வைக்கும் என்பதில் ஐயமில்லை. நகர்மன்றத்தில் நடைபெற்ற நாகரிகமற்ற நிகழ்வுகளை மிகவும் நாகரிகமான நடையில் பதிவு செய்துள்ளமை உள்ளபடியே வரவேற்கத் தக்க ஒன்று.
சர்வதேச மட்டத்தில் வசிக்கும் காயலர்கள் தங்கள் கடப்பாடு உணர்ந்து இதற்கு முடிவு கட்டியாக வேண்டும். பணத்தால் மட்டுமே எல்லாவற்றையும் சாதிக்கத் துடிக்கும் சக்திகளின் போக்கை இனம் கண்டு அதை மாற்றியமைக்க முன்வர வேண்டும்.
“வெளிநாடுவாழ் காயலர்கள் இதில் அக்கறை செலுத்த வேண்டும். நாம் எங்கு வாழ்ந்தாலும் ஒருநாள் இம்மண்ணுக்குத் திரும்பியே ஆக வேண்டும். ஆகவே சிந்தியுங்கள்!” எனும் கட்டுரையாளரின் வரிகள் மிகவும் உன்னிப்பாக கவனிக்கத் தக்கவை.
ஹாங்காங் காயலர் சகோதரர், பிரபு ஷுஐப், “உள்ளூர் பெரியவர்கள், பிரமுகர்களிடம் இதை வெளிப்படையாகப் பேசி தீர்வு காணலாம்“ என குறிப்பிட்டிருப்பதை வரவேற்கிறேன்.
ஆனால், உள்ளூர் பெரியவர்கள் நியாயமாகவும், விருப்பு வெறுப்பின்றியும் பிரச்சினைகளை அணுக முற்படும்போதுதான், பிரச்சினைக்கு முற்றுப் புள்ளி வைக்கவியலும். அதைவிடுத்து அவர்களுக்கென சுயவிருப்பு வெறுப்புகளை வைத்துக்கொண்டே பிரச்சினைகளை அணுகுவதாக பல தரப்பிலிருந்தும் தகவல்கள் கிடைக்கின்றன.
பின்வரும் இறைவசனம் நம்மை நெறிப்படுத்த வேண்டும்.
இறைநம்பிக்கை கொண்டோரே! நீங்கள் அல்லாஹ்வுக்காகச் செயல்படுவோராகவும் நியாயத்தின் சாட்சிகளாகவும் ஆகிவிடுங்கள். ஒரு சமுதாயத்தார்மீது (உங்களுக்கு)ள்ள பகை, (அவர்களுக்கு) நீங்கள் நீதி செலுத்தாமலிருக்க உங்களைத் தூண்டிவிட வேண்டாம். (எல்லாரிடமும்) நீங்கள் நீதி செலுத்துங்கள். அதுதான் இறையச்சத்திற்கு மிகவும் உகந்ததாகும். அல்லாஹ்வை அஞ்சுங்கள். நீங்கள் செய்கின்றவற்றை அல்லாஹ் நன்கறிந்தவன் ஆவான். (அல்மாயிதா, 5:8)
தவறு யார் பக்கம் இருப்பினும், அதை நியாயமான அடிப்படையில் அணுகுவதுதான் சரியான வழிமுறை. தேவையற்ற வார்த்தைகள் கோஷங்களால் எதுவும் நடந்தேறப்போவதில்லை. தனிநபர் விமர்சனம், தரக்குறைவான குணப் படுகொலைகள், காட்டிக்கொடுக்கும் போக்கு இவை தொடர்ந்தால் அவை இரும்புக் கரங்கள் கொண்டு தடுத்து நிறுத்தப்பட வேண்டும். இதற்கான ஓர் அணி உருவாக்கப்படுவது காலத்தின் கட்டாயம். அப்போதுதான் நாமும் காப்பாற்றப்படுவோம். நம் நகர மக்களும் காப்பாற்றப்படுவார்கள். நகர்மன்றமும் நகரும் மன்றமாக மாறும்.
இக்கூட்டு முயற்சியைத் தொடங்கப்போவது யார்? என்பதுதான் நம்முன் எழுந்துள்ள கேள்வி
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
India
