செய்தி: மத்திய அமைச்சர் கபில் சிபல் தலைமையில் மதரஸா கல்வி மேம்பாட்டுக்கான தேசிய ஆலோசனைக்குழு அமைப்பு உறுப்பினராக கே.ஏ.எம்.முஹம்மத் அபூபக்கர் நியமனம்! செய்தியை முழுமையாக காண இங்கு அழுத்தவும்>>
துஆக்களுடன் வாழ்த்துகள் posted byமுஹம்மது புகாரீ (காயல்பட்டினம்)[04 September 2012] IP: 117.*.*.* India | Comment Reference Number: 21811
அன்புச் சகோதரர் அபூபக்கர் அவர்களுக்கு துஆக்களுடன் வாழ்த்துகளைத் தெரிவித்துக்கொள்கிறேன். அல்லாஹ் உங்களுக்குக் கிடைத்துள்ள இப்பொறுப்பை முறையாகப் பயன்படுத்தி சமூகத்திற்குப் பலனளிக்கும் வாய்ப்பை நல்குவானாக.
சில ஆலோசனைகளை உங்கள்முன் வைக்கிறேன். அதை உரிய இடத்திற்குக் கொண்டுசெல்வீர்கள் என நம்புகிறேன்.
கடந்த காலங்களில் தமிழகத்தில் மதரசா கல்விக்கு நல்ல வரவேற்பும் மதிப்பும் இருந்துவந்ததை நாம் அறிவோம். அது போன்று மார்க்கக் கல்வி பயின்றவர்களுக்கும் உரிய அங்கீகாரம் கிடைத்துவந்தது.
ஆனால், இன்றைய மதரசாக்களின் நிலை மிகவும் கவலைக்கிடமாக உள்ளதை நாமெல்லாம் மிகவும் அறிவோம். மார்க்கக் கல்வி கற்க யாரும் முன்வருவதில்லை. மார்க்க அறிஞர்களுக்கும் சமூகத்தில் உரிய அங்கீகாரம் அளிக்கப்படுவதில்லை.
காய்தல் உவத்தலின்றி இவற்றை நீங்கள் ஆராய வேண்டும். அதற்காக கருத்துகளையும் ஆலோசனைகளையும் நீங்கள் திரட்டக் கடமைப்பட்டுள்ளீர்கள். இதில் எந்த சார்புமின்றி நடுநிலையான கண்கொண்டு நீங்கள் செயல்பட்டால், காலம் முழுக்க சமூகம் உங்களை நன்றியோடு நினைவுகூரும் என்பதில் ஐயமில்லை.
கடந்த காலங்களில் ‘மதரசா வாரியம்’ பற்றிய கருத்து விவாதிக்கப்பட்டது. தமிழகத்தின் பெரும்பாலான மதரசாக்களும் மார்க்க அறிஞர்களும் இதை ஏற்க மறுத்துவிட்டனர். தமிழ்நாடு வக்ஃப் வாரியத்தில் இது சம்பந்தமான கூட்டம் ஒன்று இப்போதைய துணை ஜனாதிபதி ஹமீத் அன்சாரி அவர்களின் முன்னிலையில் நடத்தப்பட்டதாக அறிந்தேன். அதில் மதரசா வாரியம் பற்றிய கலந்துரையாடலில் அதிருப்தியான கருத்துகள் முன்வைக்கப்பட்டதாக அறிந்தேன்.
எனவே, இது குறித்த தெளிவான பார்வையை சமூக மட்டத்தில் கொண்டுபோய்ச் சேர்ப்பது உங்களின் பொறுப்பும் கடமையும்கூட. கேரளாவில் பள்ளிப் பருவத்திலேயே மார்க்கக் கல்வி போதிக்கப்படுகிறது. பீகாரிலும் மதரசா வாரியத்தின் மூலமாக சமூகம் பயனடைவதாக அறிகிறோம். அது போன்று தமிழகத்தின் நிலையும் முன்னேற்றம் அடைய வேண்டும்.
சமீப காலமாக தமிழக மதரசாக்கள் மிகவும் பின்தங்கிய நிலைக்குச் செல்வதாக அறிகிறோம். இதை பின்வரும் இணைப்பைச் சொடுக்கி நீங்களும் அறியலாம்.
http://khanbaqavi.blogspot.in/2011/09/blog-post.html
இந்த விஷயங்களில் எங்களால் ஆன ஒத்துழைப்புகளை உங்களுடன் அளிக்க என்னைப் போன்ற சகோதரர்கள் ஆர்வமாக உள்ளோம் என்பதை தெரிவித்துக்கொள்கிறோம்.
அல்லாஹ் உங்களுக்குக் கிடைத்த இப்பொறுப்பை (அமானத்தை) சரியாக நிறைவேற்றுவதற்கான வழிகளைக் காட்டுவானாக.
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
India
