IP: 188.*.*.* Saudi Arabia

அன்பு அயல் நாடு வாழ் காயல் நெஞ்சங்களே. அஸ்ஸலாமு அலைக்கும்!

கடைசியாக நடந்த நமதூர் நகர்மன்ற கூட்டத்தில் ஒரு உறுப்பினர் தலைவியை பார்த்து, வெளிநாட்டில் வாழும் காயலர்களையும் தலைவியையும் இணைத்து தரக்குறைவான ஆபாச வார்த்தைகளை, அத்தனை ஆண்கள் பெண்கள் மத்தியில் கூச்சலிட்டு கூறி இருக்கிறார் என்றால், என்ன அசிங்கம் அரங்கேறுகிறது? அந்த அளவிற்கு தைரியம் வரக் காரண சக்தி எது? சிந்திக்க வேண்டும்.

அந்த அவையில் அனைத்து மீடியோவும், வீடியோவும், வருகை புறிந்த பார்வையாளர்கள் மத்தியிலேயே இதை கூறும் இவர் இவைகள் எதுவுமே அரங்கத்திற்கு வராமல் இருந்திருந்தால், எண்ணிபார்க்கவே மனம் கூசுகிறது. அந்த அவல நிலை நிகழாமல் அல்லாஹ் காப்பாற்றினான்!

இதுவரை நடந்த வெளிநடப்பு விளையாட்டு வரும் காலங்களிலும் தொடருமானால், நாம் எதிர் பார்த்து ஏங்கும் அந்த இனிய நகராட்சி கூட்டத்தை இமியளவும் எதிர்கொள்ள முடியாது!

உலகத்தில் நடவாத அதிசயங்கள் கூட நடக்கலாம். ஆமாம், கிழக்கே உதிக்கும் சூரியன் மேற்க்கே உதயமாகலாம், காளை மாட்டிற்கு பால் ஊறலாம், ஊசிமுனை காதுக்குள்ளே ஒட்டகம் புகுந்திடலாம், பூப்படையா பெண்னொருத்தி பிள்ளை கூட பெறலாம்.

இவ்வளவு நிதர்சனமற்ற நிகழ்வுகளெல்லாம் நிகழ்தாலும், நம் நகராட்சியில் ஒருநாள் கூட ஒற்றுமையாக வெளி நடப்பில்லாத வெற்றிகூட்டம் நடைபெற சாத்தியமில்லை.

ஒரே ஒரு சாத்தியம் மட்டும் உண்டு,தலைவி அவர்கள் தானாகவே முன்வந்து தன் பதவியை துறந்தாலன்றி, வேறு எந்த விமோசனமும் நம் நகராட்சிக்கு இல்லை!


ஊரின் எந்த வில்லாதி வில்லனுக்கும், வளைந்து கொடுக்காத வைர நெஞ்சமுடைய வைராக்கிய வித்தின் மகளாக பிறந்து மலர்ந்த முத்தல்லவோ,அவ்வளவு எளிதில் இந்த ஈனபுத்தியுடையோர்களின் மிரட்டலுக்கு மசிந்து, தன் கொள்கையை காற்றில் பறக்கவிட்டு,தன் தலைவி பதவியை துறந்து விடுவாரா? என்பது கோடி டாலருக்குறிய கேள்விக்குறியே?

இதற்கு என்னதான் விடிவு காலம்? இறுதியாக ஒருமுயற்சியை வல்ல அல்லாஹ்வின் துணையை நெஞ்சில் நிறுத்து, வெற்றி பெறுவோம் என்ற வைர என்ன உறுதியோடு,களத்தில் இறங்குவோம்!இன்ஷா அல்லாஹ!

வெளிநாட்டில் வாழும் வளைகுடா காயல் கண்மணிகள் முதல் அனைத்து அயல் நாட்டில் வாழும் அக்கறையுள்ள அன்புள்ளங்களே, நாம் அனைவர்களும் ஓரணியில் ஒன்று சேர்வோம்.நீதியான,நேர்மையான,நல்லாட்சி நமதூரில் மலர்ந்திட நம்மால் இயன்ற எல்லா முயற்சிகளையும் செய்ய முனைப்புடன் முற்படுவோமேயானால்,
நமதூரின் அனைத்து நடுநிலை நீதவான்களும்,அனைத்து பொது நல அமைப்புகளும்,அனைத்து சங்கங்களும்,அரசியல் கட்சிகளும் நம்முடன் நிச்சயம் கைகோர்ப்பார்கள் என்ற நம்பிக்கை நமக்கு இருக்கிறது!

நம்மை எவரும் விலை கொடுத்து வாங்கி விடமுடியாது. நம் கையை கசக்கி கஞ்சி குடிக்கிறோம்.எவரையும் கெஞ்சி,கொஞ்சி காலம் கடத்தகூடியவர்களாக நாம் வாழ்ந்துகொண்டிருக்க வில்லை!

எல்லாம் வல்ல அல்லாஹ்வின் துணையை முன்னிறுத்தி இப் புண்ணிய போரில் களமிறங்குவோம்!. முயற்சித்தால் முடியாதது ஒன்றுமில்லை.அல்லாஹ் வெற்றியை தருவான்!. விரைவில் நமதூர் மக்கள் விழிப்படைந்து,உண்மை உணர்வணியில் ஒன்றாக கலந்து கை கொடுப்பார்கள்!

எங்களுடைய இந்த இனிய வேண்டுகோளை,வெளிநாடுகளில் வாழும் எல்லா அன்புள்ளங்களும் அக்கறையுடன் பரிசீலிப்பீர்களாக! அல்லாஹ் அனைத்தையும் அறிந்தவன்!

அன்புடன்,
முஹம்மது ஆதம் சுல்தான் மற்றும்
யான்போ "காயல் ஹௌசின்" ஹாஜி கலவா அபூபக்கர்
அவர்களுடன் வசித்து வரும் அனைத்து காயல் சகோதரர்கள்!.