IP: 2.*.*.* United Arab Emirates

அன்புள்ள சகோதரர் ஜகாங்கீர் அவர்களுக்கு, அஸ்ஸலாமு அலைக்கும்.

முதலாவதாக, மேலே பதிவுசெய்யப்பட்ட கருத்துக்கள் எல்லாம் நான் சென்னையில் இருந்தபோது காயல்பட்டணம் டாட் காம் என்னை நேர்காணல் செய்ததில் நான் பகிர்ந்து கொண்ட என்னுடைய சொந்த அனுபவங்களும், கருத்துக்களும் ஆகும்.

தாங்கள் - மதிப்பிற்குரிய காவலங்கா தலைவர் ஷாஜஹான் காக்கா வெளியிட்ட கட்டுரைக்குப் பிறகு அறிக்கை ஒன்றை வெளியிட்டீர்கள். அதனை தயார் செய்து விட்டு என்னை அழைத்தீர்கள். நான் தங்களை சந்திக்க வந்தபோது, நான் வர காலதாமதம் ஆகிவிட்டதால் அறிக்கையை இணையதளத்தில் வெளியிட்டுவிட்டேன் என கூறினீர்கள். அதன் பிறகு தான் தங்களின் அறிக்கையை நான் அவசர கதியில் பார்க்க நேரிட்டது. அதில் தாங்கள் நடந்த சம்பவங்களை பட்டியலிட்டிருந்தீர்கள்.

நான் தற்போது காயல்பட்டணம் காம் இணையதளத்திற்கு தந்துள்ள நேர்காணலில் பதிவுசெய்யப்பட்டிருக்கிற கருத்துக்களுக்கும், நீங்கள் விவரித்திருந்த சம்பவங்களுக்கும் பெரிய வித்தியாசம் என்னால் காண முடிய வில்லை. ஆனால் தாங்கள் பதிவுசெய்த "அலைக்கழித்தார்கள்" போன்ற வாசகங்கள் நான் சரிவர படிக்க வில்லை. நான் உங்கள் கருத்துக்களுடன் ஒத்து போனது சம்பவங்களின் தொகுப்புதானே ஒழிய, இந்த மாதிரி யாரையும் புண் படுத்தும் வாசகங்களை அல்ல. ஒரு நல்ல காரியத்தில் ஈடுபட்டிருக்கும் என்னை போல் யாரும் இப்படித்தான் நடப்பார்கள்.

மேலும் தாங்கள் அறிக்கையில் நகர்மன்ற கூட்டம் நடந்த அன்று காலை - தலைவி அவர்கள் நீங்கள் முன்வைத்த அத்தனை கோரிக்கைகளுக்கும் சம்மதம் தெரிவித்து, அதனை நீங்கள் ஏற்றுக்கொள்ளாதது மட்டும் அல்லாமல், ஏனைய உறுப்பினர்களுக்கும் இத்தகவல்களை சொல்லாமல் மறைத்தது (இது நான் சகோதரர் லுக்மான் அவர்களிடம் கடற்கரையில் வைத்து பேசிய போதுதான் தெளிவானது), மேலும் வெளி ஊடகங்களுக்கு உறுப்பினர்கள் தரப்பில் தகவல் கொடுக்கப்பட்டது போன்ற எந்த விசயங்களையும் குறிப்பிடவில்லை.

நான் மேற்குறிப்பிட்ட சம்பவங்கள் நடக்கவில்லை என்று தாங்கள் மறுக்க மாட்டீர்கள் என்று நம்புகிறேன்.

இவை மட்டுமே என்னுடைய நேர்காணலில் உள்ள கருத்துக்களுக்கும், நீங்கள் எழுதிய தன்னிலை விளக்க கருத்துக்களுக்கும் உள்ள பெரிய வித்தியாசம்.

நான் அறிய - நடக்காத ஒன்றை நான் இதில் எங்கும் குறிப்பிட வில்லை. அது உங்களுக்கும் நன்கு தெரியும், மேலும் அந்த வல்ல இறைவனும் அறிவான். ஊரில் உலாவும் சில துண்டு பிரசுரங்களில் எங்களின் முயற்சி குறித்து குறிப்பிடப்பட்டிருப்பதால் காயல்பட்டணம்.காம் என்னை சென்னையில் தொலைபேசிமூலம் கேட்டறிந்த தகவல்களை தான் இங்கே தொகுத்து அளித்திருக்கிறார்கள்.

இருக்கும் சூழலில் நான் விவாதத்தை வளர்க்க விரும்பவில்லை. சுமூக சூழல் உருவாக வேணடும் என்ற எண்ணத்தில் தான் நான் விடுமுறையில் ஊர் வந்திருந்த போதும் என் மாமனாரின் வபாத்திற்கு பிறகும் இந்த முயற்சியில் ஈடுபட்டேன். எல்லாம் வல்ல அல்லாஹ் நமது முயற்சிகளை வெற்றியாக்கி தந்தருள்வானாகவும். ஆமீன்.

மக்கி நூஹு தம்பி காக்கா அவர்களுக்கு. நாங்கள் நடத்தியது சமரச கூட்டம் அல்ல. இரு தரப்பினர்களின் கருத்துக்களை கேட்டறிந்து எங்களுடைய ஆலோசனைகளை வழங்கி அவர்களுக்கிடையில் உள்ள கருத்து வேறுபாடுகளை களைய முயற்சித்தோம்.

வஸ்ஸலாம்