IP: 122.*.*.* India

தம்பி பஷீர் தனக்கே உரிய பாணியில் "பணம் படுத்தும் பாடு "குறித்து எழுதியுள்ளார். அந்தக்காலத்தில் "பணக்காரர்கள் "என்று ஒரு வர்க்கம் நமதூரில் இருந்ததில்லை. சற்று வசதியானவர்களை நாம் "பணக்கார்கள் "என்று பெயரிட்டு அழைத்திருப்போம். அப்போது நமதூரில் இருந்தவர்கள் எல்லாம் பெரும்கொண்ட தனவந்தர்கள்தாம். தங்களது வியாபாரத்தில் கிடைத்த உபரி லாபத்தை பொதுப்பணிகளுக்கு தாராளமாக அள்ளி வழங்கினார்கள். மரியாதைக்குரிய எல்.கே அவர்கள் தனது நகைக்கடையில் வந்த உபரி லாபத்தைதான் பள்ளி கட்டிடம் கட்ட உபயோகித்தார். அன்றைய தினம் அவர் சுயநல நோக்கோடு சிந்தித்து இருந்தால் இன்றைய எல்.கே பள்ளிகள் எனபது இல்லை.

ஒரு அ.கா இல்லை எனில் இன்றைய நமதூர் போஸ்ட் ஆபீஸ் இல்லை. ஒரு கம்பனியார் குடும்பம் இல்லை எனில் இன்றைய நமதூர் விரிந்து பரந்த (எ..அப்பா...எவ்வளவு பெரிய இடம்..) நகராட்சி அலுவலகம் இல்லை. இப்படி நிறைய உதாரணம் சொல்லிக்கொண்டே போகலாம்.

வியாபாரத்தில் எவ்வாறு தர்ம, நியாங்களை பின்பற்றி ஒழுகினார்களோ, அதையே தங்களது பொதுக்காரியங்களிலும் பின்பற்றினார்கள்.

ஆனால் இன்றைகிருக்கும் "பணக்கார வர்க்கம் "அவ்வாறில்லை. இவர்களுக்கு வியாபாரத்தில் மட்டுமே பணம் குவிகிறது என்று சொல்ல முடியாது. பல தீய வழிகளிலும் இவர்களிடம் பணம் குவிகிறது. அதை இவர்கள் தீய காரியங்களுக்கும், தங்களின் "துதி பாடி"களுக்கும் அள்ளி வீசுகிறார்கள். தங்களது பணத்தால் தங்களையே "விற்பனை "செய்து கொள்கிறார்கள்.

இவர்களிடம் தன்மானமும் இல்லை. இறையச்சமும் இல்லை. இது போன்ற "நவீன பணக்கார வர்க்கம்" மற்ற பல சமுதாயங்களுக்கு பழகிப்போன ஓன்று. நமது சமூகத்திற்கு, குறிப்பாக நமதூருக்கு "புதிய அனுபவம்". எனவேதான் தம்பி பஷீர் பொங்கி எழுந்திருக்கிறார்.

இத்தகைய தீய சக்திகளை அதன் ஆரம்ப நிலையிலேயே அடையாளம் கண்டு கொண்டு அவைகளை முளையிலேயே கிள்ளி எறியவேண்டும்.

இதன் உந்து சக்தியாக ஒரு இளையோர் பட்டாளம் இன்று எழுந்து வருவது மனதிற்கு பெரும் ஆசுவாசம் அளிக்கிறது....