IP: 94.*.*.* Saudi Arabia

பார்க்க படிக்க மிக்க மகிழ்ச்சி.

மக்களுக்காக தூய உள்ளத்துடன் உழைக்கும் உங்கள் அனைவர்களுக்கும் வல்ல ரஹ்மான், ரஹ்மத் செய்வானாக.!

நம் காயல்பட்டணம் முஸ்லிம் ஐக்கிய பேரவை இன்னும் தீவிரமாக களத்தில் இறங்கி, அனைத்து மக்களின் அன்பையும், நம்பிக்கையும் பெற்று, ஒரு வலுவான பேரவையாக மாறி மக்களுக்காக சேவை ஆற்றிட பிராத்திக்கின்றேன்.

இந்த நிகழ்வில் கலந்து கொண்ட அனைவர்களுக்கும், ரயில்வே அதிகாரி அவர்களுக்கும் நன்றி கலந்த பாராட்டுக்கள்.

கண்டு கொள்ளப்படாத ரயில் நிலையம் என்றால், அது நம் ரயில் நிலையம் தான்.

- அவசரத்துக்கு ஒன்னுக்கு போகணும் என்றால், உடனே ரயில்வே பள்ளிவாசலுக்கு தான் ஓடனும்.

- ஒரு மழை வந்தால் ஒதுங்க முடியாது.

- முதல் முதலில் இந்த வழித்தடத்தில் ரயில் விட்ட சமயம், எப்படி இருந்ததோ அதே மாதிரி, அதே இருட்டடைந்து தான் உள்ளது.

- ட்ரெயினில் ஏற மக்கள் பிளாஸ்டிக் சேர் கொண்டு வரும் அவலமும் இங்கு காணலாம்.
++++++++++++++++++++++++++++
** இந்த விடுமுறையில் குடும்பத்தாரை சென்னை அனுப்ப சென்று இருந்தேன்.

- ஏசி கோச் எங்கு நிற்கும் என்று, நிலைய அதிகாரியிடம் வினவியதும், அவர் வாசலுக்கு நேராக நிற்கும் என்றார்.

- நின்றோம், வண்டி வந்தது. வந்த ஸ்பீடை பார்த்தால் நம் ஊரில் நிற்காது போல என்று நினைத்தேன். நின்றது. ஏசி கோச் எங்களை தாண்டி இரண்டு நிமிடம் சென்றது.

ஓடினோம்... ஓடினோம்.. அடைந்தோம்.. பாவம் என் சிறிய கம்மா.. அவர்கள் பட்ட பாட்டை விவரிக்க முடியவில்லை.

சரி, வண்டியில் ஏறலாம் என்றால்.. ஊஹூம்... வாசலை அண்ணாந்து பார்த்த எனக்கே கழுத்து வலித்தது. ஒரு வழியாக அனைவர்களையும் ஏற்றி விட்டாச்சு... அப்படியே ஊர்பட்ட சாமானையும் உள்ளே தள்ளியாச்சு… கம்மா..!

தேமே.. என்று மூச்சு வாங்கி, முதல் நாள் பள்ளிக்கூடம் செல்லும் குழந்தையை போல நின்றுக்கொண்டு இருந்தார்கள்.

வண்டியும் ஊளையிட ஆரம்பித்து விட்டது. ஒரே கூச்சல்.. கம்மா ஏறுங்க, பெருமா ஏறுங்க...சாச்சி ஏறுங்க... முடிகிறதா அவர்களுக்கு.

கடைசி படியைக் கூட அவர்களால் தொட முடியவில்லை... டென்சன்.. டென்ஷன். டென்ஷன்.

வண்டி மறுபடியும் தொடர் ஊளை.

பின்னால் இருந்த ஒரு சகோதரர் பிளாஸ்டிக் சேரை தர, நான் கம்மாவை அப்படியே அலேக் ஆக தூக்கி, சேரில் ஏறி, மேலே உள்ளவர்கள் தூக்க.. ஒரு வழியாக ஏற்றி விட, வண்டி நகர, நான் சரிய, பின்னால் இருந்த சகோதரர் தாங்கி பிடிக்க...ஐயோ..! நல்ல அனுபவம்.

கிடைத்த கூடுதல் அனுபவங்கள்.

** ஆளை வழி அனுப்ப செல்லுபவர்கள் கொண்டு செல்ல வேண்டியவைகள்

# தண்ணீரும், ஜொக்கும் கொண்டு செல்லுங்கள்.

# கூடவே ஒரு பிளாஸ்டிக் சேரும்.

# நாயை விரட்ட ஒரு கம்பு.

# டார்ச் லைட் ஒன்று.

## முக்கியமாக, உங்களின் கோச் எங்கு நிற்கும் என்றும் விசாரியுங்கள். வாசலுக்கு நேர் என்றால் ஸ்டேஷன் வாசலா, மெயின் கேட் வாசலா, வீடுகள் உள்ளதே.. அவங்க வீட்டு வாசலா என்று விபரமாக விசாரியுங்கள்.

ஆக மொத்தம், எனக்கு ரயில்வே மீது கோபத்தை விட மகிழ்ச்சிதான் கிடைத்தது. காரணம், என் கம்மாவை தூக்கும் பாக்கியம் கிடைக்கச்செய்தது இந்த ரயில்வே தானே.!!!

நம் ரயில்வே நிலையத்திற்கு, விடிவு காலம் என்று வருமோ..!! நம்பிக்கையுடன் காத்து இருப்போம். இன்ஷா அல்லாஹ்.

சாளை S.I.ஜியாவுத்தீன், அல்கோபார்