IP: 117.*.*.* India

பாஸ்போர்ட் பெறுவதற்கு கட்டணம் உயர்த்தியதை பற்றி மக்கள் கவலைப்பட மாட்டார்கள்.

ஆனால் பாஸ்போர்ட் பெறுவதற்கு உள்ள சட்டங்கள். சிவப்பு நாடா முறைகள்-- அதனால் மக்கள் படும் கஷ்டங்கள் தொல்லைகள் நாளுக்கு நாள் அதிகரித்து வருகின்றன என்பதுதான் வேதனையான விஷயம். பாஸ்போர்டுக்கு மனு செய்ய ஆரம்பித்த நாள் முதல் ஒவ்வொரு கட்டமாக மக்கள் படும் இம்சையை மாறு வேடத்தில் வந்து ஒரு அதிகாரி கண்காணித்தால் தெரியும் என்ன நடக்கிறது என்று.

வெளிநாடுகளில் பாஸ்போர்ட் எடுப்பது என்பது ஒரு செய்தியே அல்ல. ஆனால் இங்கு பாஸ்போர்ட் ஆபீசுக்கு பலமுறை அலைய வேண்டும்.போலீஸ் விசாரணை என்று ஒன்று, அது முடிந்து அந்த மனு தூத்துக்குடி எஸ்பி ஆபீசில் பல மாதங்கள் சிறையில் இருப்பதுபோல் இருந்து ஜாமீனில் விடுதலையாகி நெல்லை பாஸ்போர்ட் ஆபீஸ் போகும். சிலர் பாஸ்போர்ட் சீக்கிரம் வரவேண்டும் என்று நேர்த்திகடன் வைக்கிறார்கள். இந்துக்கள் தேங்காய் உடைக்கிறார்கள். சிலர் ஏழைகளுக்கு சாப்பாடு கொடுப்பேன் என்று நேர்ச்சை செய்கிறார்கள்.

TRAVEL AGENT டுக்கு பணம் கொடுப்பதில் ஆரம்பித்து. போலிசுக்கு லஞ்சம் தூத்துக்குடி ஆபீசுக்கு லஞ்சம்.... என்று லஞ்சங்களும் தொடர்கின்றன. பாஸ்போர்ட் ஆபீஸ் தனியாரிடம் ஒப்படைத்தபின் தலைவலி நீங்கி திருகு வலி வந்த கதையாகி விட்டது. இந்த இணைய தள நண்பர் ஒரு புள்ளியியல் எடுத்து பாருங்கள். அதை மத்திய அரசின் கவனத்துக்கு அனுப்பி வையுங்கள். குளிரூட்டப்பட்ட அறையில் இருந்து கொண்டு அரசு அதிகாரிகள் செய்யும் அட்டகாசங்கள் அடக்கு முறைகள் சொல்லி மாளாது.இன்னும் இதை பற்றி விரிவான கட்டுரை எழுதவிருக்கிறேன்.எழுதி என்ன செய்ய என்ற விரக்தியும் வருகிறது.

அரசு அலுவலகங்களில் சாதாரண பிறப்பு இறப்பு சான்றிதழ் முதல் கூப்பன், அடையாள அட்டை என்று எதை எடுக்கபோனாலும் அலைச்சல் திரிச்சல். இந்த கொதிக்கும் வெயில் வேறு.....சாமான்யர்கள் மட்டுமல்ல பணம் படைத்தவர்களும் திணறுகிறார்கள்.௬௫ வருடம் ஆகிவிட்டது சுதந்திரம் கிடைத்து, இலகுவாக பாஸ்போர்ட் கிடைக்க இன்னும் எத்தனை ஆண்டுகள் ஆகுமோ......