IP: 117.*.*.* India

சில மாதங்களாக சளி பிடித்திருந்த மூக்குக்கு சுகம் கிடைத்திருப்பது போல் இந்த நகர் மன்ற நிகழ்சிகள் ஆரோக்கியமான விவாதங்களுடன் நல்ல முடிவுகளுடன் நடை பெற்று முடிந்திருப்பது மகிழ்ச்சி அளிக்கிறது. இணைய தளங்களுக்கு கருத்து எழுதுபவர்கள் பழைய குப்பையை கிண்டாமல் இனி மேல் நடக்க வேண்டிய விஷயங்கள் பற்றி கோடிட்டு காட்டினால் நல்லது. தனி மனித விமர்சனங்களை தவிர்த்து கொள்ளுங்கள். ஊரிலுள்ள, வார்டிலுள்ள குறைகளை நீக்கி தருவதற்கு வேண்டுகோள் விடுப்போம்.

முதலாவதாக, 16 வது வார்டு புதுக்கடை தெருவையும் காட்டுதைகா தெருவையும் இணைக்கும் புதுக்கடை தெரு சந்தியில் கீழ்பகுதி ரோடு லைட் 15 நாட்களாக எரியவில்லை அதைப்பற்றி உறுப்பினரிடம் தெரிவித்தேன். அதை அவசரமாக கவனிக்கவும். அடுத்து, குடி நீர் 7 ,8 , நாட்கள் வரை தொடர்ந்து வராததால் மக்கள் மிகவும் கஷ்டப்படுகிறார்கள். அதையும் அவசரமாக கவனிக்கவும். மோட்டார் வைத்து உறிஞ்சுவதை தடை செய்து, அதிரடி நடவடிக்கை எடுத்து இரண்டு தெருவில் மட்டும் நடந்து பின்னர் அது கிடப்பில் போடப்பட்டுள்ளது, அதையும் கவனியுங்கள்.

ஊரிலுள்ள இணைய தளங்கள் நகர்மன்றம் உள்ளே அனுமதித்தால்தான் நடக்கும் நிலைமை நகரமன்ற விவாதங்கள் பிரதி வாதங்கள் பற்றி தெரிந்து கொள்ள முடிகிறது, பொது மக்கள் தங்கள் யோசனையை சொல்ல முடிகிறது. மதுரை மாவட்ட ஆட்சி தலைவர் facebook கில் ஒரு ஏற்பாட்டை செய்து மக்கள் குறைகளை அதில் பதிவு செய்யவும் அதை பார்த்து உடனடியாக குறைகளை நிவர்த்தி செய்யவும் புதிய ஒரு முறையை ஆரம்பித்துள்ளதாக புதிய தலைமுறை இதழ் தெரிவிக்கிறது. எனவே நமது நகரமன்ற தலைவரும் அப்படி ஒரு ஏற்பாட்டை செய்தால் நல்லது.

ஒவ்வொரு உறுப்பினரும் வாரத்தில் ஒரு நாள் மக்கள் குறை கேட்க அவர்கள் வீட்டில் ஒரு நேரத்தை ஒதுக்கினால் பொது மக்கள் அவர்கள் தேவைகளை கூற முடியும். குறை இல்லாமல் 100 விழுக்காடு எல்லாவற்றையும் சரி செய்து விட முடியாது என்றாலும் அன்றாட பிரச்சினைகளை சரி செய்து மக்கள் உள்ளங்களில் இடம் பிடிக்க முடியும். உங்களை தேர்ந்தெடுத்து அனுப்பியவர்கள் உங்களிடம் மிகவும் எதிர்பார்கிறார்கள். இறைவன் உங்கள் பொது நல சேவைக்கு நற் கூலியை தருவானாக. ஊர் நமக்கு என்ன செய்தது என்று எண்ணாமல் ஊருக்காக நாம் என்ன செய்தோம் என்று நினைத்து சேவை செய்தவர்களை மக்கள் என்றும் நினைத்து பார்ப்பார்கள்.

சுமுகமான நகர் மன்ற கூட்டம் நடை பெற உதவிய எல்லா நல்ல உள்ளங்களுக்கும் அல்லாஹ்வின் சாந்தியும் சமாதானமும் உண்டாவதாக.