IP: 117.*.*.* India

கருத்துப் பதிவு எண்கள் 22752 மற்றும் 22755இல், சில விஷயங்களை முதற்கட்டத்திலேயே இப்படித்தான் என்று முடிவெடுத்துவிட்டு, அதனடிப்படையில் கருத்து தெரிவிக்கப்பட்டிருப்பதைக் காண முடிகிறது.

இக்ராஃவுக்கு இடம் வாங்கும் விஷயத்தில் வெளியூர்களிலிருந்து கொண்டு விவாதிப்பதால் மட்டும் முடிவெடுத்துவிட முடியாது என்பதில் இருவேறு கருத்திற்கிடமில்லை. ஆனால், அடுத்து அவர்கள் தெரிவித்த உள்ளூர் நடைமுறைகள் இங்கு நடைபெற்றதா, இல்லையா என்பதை - இக்ராஃவுடன் தொடர்புடையவர்களைக் கேட்டறிந்து கருத்துப்பதிவு செய்திருக்கலாம். (அவர்களுக்கு அறிவுரை சொல்லுமளவுக்கு எனக்கு எந்தத் தகுதியையும் நான் எடுத்துக்கொள்ள விரும்பவில்லை.)

கருத்துப்பதிவு என் 22755இல் தெரிவிக்கப்பட்ட உள்ளூர் நடைமுறைகள் அனைத்தையும் - இக்ராஃ தலைவர் ஹாஜி வாவு ஷம்சுத்தீன் மாமா அவர்கள் உட்பட இக்ராஃ நிர்வாகத்தினர் செவ்வனே செய்துள்ளனர் - இனியும் செய்வர். இதுவரை ஈடுபட்ட தனது அனுபவங்களின் அடிப்படையிலேயே அவர்கள் அங்கு உரையாற்றியுமிருக்கிறார்கள்.

எனவே, இனியேனும் ஒரு நிர்வாகம் குறித்து கருத்துப் பதிவு செய்யுமுன் அது தொடர்பானவர்களிடம் கேட்டறிந்து செயல்படுமாறு பணிவுடன் வேண்டுகிறேன்.

இக்ராஃ ஒரு திறந்த புத்தகம். அதில் தகுதியுள்ளோர் உறுப்பினராக அனைவருக்கும் வாசல் எப்போதும் திறந்தே உள்ளது. இக்ராஃவின் ஒவ்வொரு செயல்திட்டமும் பொதுமக்களுக்கு பிரசுரங்களாகவும், டிவி நிகழ்ச்சிகளாகவும், பத்திரிக்கை - இணையதள செய்திகளாகவும் அவ்வப்போது தெரிவிக்கப்பட்டே வருகிறது. உறுப்பினர்களுக்கு பிரத்தியேகமாக தெரிவிக்கப்பட வேண்டிய தகவல்கள் அவர்களுக்கு கடிதம் - மின்னஞ்சல் மூலம் அனுப்பப்பட்டு வருகிறது. கருத்துப் பதிவு எண் 22752இல் குறிப்பிட்டுள்ள படி இக்ராஃ குறித்து எதுவுமே தெரியாது என்று சொல்வது வியப்பான ஓர் அம்சமே! (அதிலும், இணையதளத்தை தொடர்ந்து பார்த்து வரும் இரு அன்பர்கள் இவ்வாறு கருத்து தெரிவித்திருப்பது கூடுதல் வியப்பு!!!)

இன்னும் விளக்கம் தேவைப்பட்டால், இதே காயல்பட்டணம்.காம் இணையதளத்தில், “செய்திகளைத் தேட” என்ற பகுதியில், “Enter tag to search news database / செய்திகளை தேட குறி சொல்லை வழங்கவும்” என்ற இடத்திலுள்ள பெட்டியில் 'IQRA' என்று தட்டச்சு செய்து சமர்ப்பித்தால், இக்ராஃவின் அனைத்து தகவல்களையும் அறிந்துகொள்ளலாம்.

அன்புடன்,
எஸ்.கே.ஸாலிஹ்,
துணைச் செயலாளர்,
இக்ராஃ கல்விச் சங்கம்.