IP: 78.*.*.* Qatar

கருத்து சுதந்திரம் என்ற பெயரிலும், ஊடக உரிமை என்ற பெயரிலும், ஜாதி, மத துவேசத்தை கக்குகின்ற பத்திரிகைகளுக்கு மத்தியில், கண்ணியமாகவும், யார் மனதையும் புண்படுத்தாத நிறை குணத்தோடும் சாத்வீகமான முறையில் நமது சமுதாய உரிமைகளுக்காக குரல் கொடுக்கும், ஒப்பற்ற ஊடகமாம் மனிச்சுடருக்கு ,மனமார்ந்த வாழ்த்துக்கள்.

இந்தப் பத்திரிக்கை, பல்வேறு சூழ்ச்சிகளை முறியடித்து, இன்றளவும் வெற்றிகரமாக வெளிவருவதற்கு காரணமான அனைத்து சமுதாய பெரியவர்களுக்கும், குறிப்பாக நமதூரைச் சார்ந்த முன்னோர்கள் மற்றும் இதற்காக அர்ப்பணிப்பு உணர்வோடு பணியாற்றிவரும் சகோதரர் அபூபக்கர், காயல் மகபூப் காக்கா, சகோதரர் இப்றாஹிம் மக்கி, நண்பர் எஸ்.கே.ஸாலிஹ், ஆறுமுகநேரி சகோதரர் வியாகப்பன் ஆகியோருக்கும் நன்றி கலந்த பாராட்டுக்கள் உரித்தாகட்டும். இந்தப் பத்திரிகையின் நிறுவனர் மர்ஹூம் சிராஜுல் மில்லத் சமது சாஹிப் அவர்களை நினைவு கூர்ந்து அவர்களுக்காக துஆ செய்கிறேன்.

மகத்துவம் நிறைந்த மணிச்சுடர் பத்திரிக்கையையின் வெள்ளிவிழா மலரை வெளியிடும் தகுதி கருணாநிதிக்கு இருக்கிறதா என்ற கேள்வியும், நெருடலும் மனதில் இருந்தாலும் ஒரு மூத்த பத்திரிகையாளர் என்ற முறையில் மட்டும் அவருக்கு, இந்தத் தகுதி இருப்பதாக எனக்கு நானே தேற்றிக்கொண்டு, மணிச்சுடரை வெளியிடுவதால் கருணாநிதிக்குத்தான் பெருமை என்பதையும் பதிவு செய்து, மணிச்சுடர் என்றென்றும் ஒளிவீச மனமார வாழ்த்துகிறேன்.