IP: 59.*.*.* India

மணிச்சுடர் நாளிதழ் கடந்த 25 வருடங்களாக தொடர்ந்து வெளிவருவது மிகப் பெரிய சாதனையாகும். இதில் லாட்டரி, சினிமா விளம்பரங்கள் இல்லை. சினிமா அவதூறு அனாகரிகமான செய்திகள் வருவதில்லை. மத நல்லிணக்கம், தேசிய ஒருமைப்பாடு இஸ்லாமியர்களின், தனித்தன்மை காத்தல் என்ற இலட்சியத்தோடு தன் பயணத்தை தொடர்ந்து வருகிறது.

எல்லாவற்றிற்கும் மேலாக அல்குர்ஆனின் அமுத மொழிகளையும் அண்ணல் நபிகளின் கண்ணல் மொழிகளையும் சென்னை தொழுகை நேரத்தையும் தொடர்ந்து வெளியிட்டு வருகின்றது.

பத்திரிக்கை உலகில் மிகப்பெரிய ஜாம்பவான்கள் தினச்சரியை நடத்த முடியாமல் இடை நிறுத்தம் செய்து விட்ட நிலையில் ஆட்சி அதிகாரமோ பொருளாதார வலிமையோ இல்லாத மணிச்சுடர் 25 வருட காலம் வெளிவருவது இறைவனுடைய திருப்பொருத்தத்தை நாடி பயணித்து வருபவர்களின் சிறப்பையே எடுத்துக் காட்டுகிறது.

மணிச்சுடர் முலம் தீனுள் இஸ்லாத்தின் ஹிதாயத் பெற்றவர்கள் ஏராளம்.

முன்பு மணிச்சுடர் அலுவலகம் இருந்த நுங்கம்பாக்கம் வாலஸ் தோட்டம் இடம் மஸ்ஜிதாக மாற்றப்பட்டிருக்கிறது. அப்பள்ளியின் பிலாலாக பணிப்புரிபவர் மோகன் (எ) அப்துல் சுக்கூர். மணிச்சுடரின் தினமும் வெளிவந்த அல்குர்ஆன் தமிழாக்கத்தையும், நபிமொழியையும் படித்து ஹிதாயத் பெற்றவர். தற்போது மணிச்சுடர் அலுவலகத்தில் பணிபுரியும் ஏ.உஸ்மான் ஆகிய நான் மற்றும் சித்தீக் ஆகியோர் தீனுள் இஸ்லாத்தைத் தம் வாழ்வியல் நெறியாக்கிக் கொண்டவர்கள்.

இப்படியாக அறம் சார்ந்த நெறிமுறைகளையும் உயரிய இலட்சியங்களையும் இறைவனின் திருப்பொருத்தத்தை நாடி நடத்தப்படும் மணிச்சுடர் நாளிதழ் வெள்ளி விழா செய்தியை வரலாற்றுச் சிறப்புக்குரிய காயல்பட்டினத்தின் காயல்பட்டினம்.காம் என்ற இணையதளத்தில் செய்தி வெளியிட்டுயிருப்பதை சகோதரர் யூனுஸ் கேள்வி எழுப்பி இருப்பதும் மற்ற பத்திரிக்கையோடு ஒப்பிட்டு இருப்பதும் எங்களுக்கு ஆச்சரியத்தையும் வேதனையும் அளிக்கின்றது.

இஸ்லாமியர்கள் சமுதாயப் பற்றோடு வாழ்வதுதான் இயற்கையான நியதி. இந்த உணர்வு பெற்றவர்களாக நாம் என்றும் வாழ்வோம்.... மேலும் மணிச்சுடர் நாளிதழின் நிர்வாக இயக்குநர் மற்றும் வெளியீட்டாளராக முஸ்லிம் லீகின் மாநில பொதுச் செயலாளர் கே.ஏ.எம். முஹம்மது அபூபக்கர் அவர்களும், செய்தி ஆசிரியராக காயல் மகபூப் அவர்களும் அறக்கட்டளை மேலாளராக எஸ்.ஏ. இபுராஹிம் மக்கீ ஆகியோர்கள் காயல்பட்டினத்தைச் சேர்ந்தவர்கள் என்பதையும் என்பதையும் இங்கே குறிப்பிட விரும்புகின்றேன்.