IP: 117.*.*.* India

மாஷா அல்லாஹ்! மனதை எங்கோ இழுத்துச்செல்லும் காட்சிகள்.

வானும் கடலும் அதனதன் அளவில் பெரும் வண்ணக்குவியல்கள்தான்.

வானம் எல்லோருக்கும் வாய்த்தது. ஆனால் கடலும் கடலோரமும் அனைவருக்கும் வாய்ப்பதில்லை. அந்த வகையில் நமதூர் பாக்கியம் பெற்றதுதான்.

வானும் புவியும் ஒன்றிணைந்து கலவையாக மாயம் காட்டும்போது அதை வர்ணிப்பது அத்தனை எளிதல்ல. ஒரு நாளின் தொடக்கமான வைகறை விடியலும் , முடிவான அந்தியும் கடலுக்கு எழிலூட்டுவதை பார்க்க தவறுவது என்பது உண்மையிலேயே ஒரு இழப்புதான்.

நீல இளம் பச்சை கலந்த கடல் அலையும் நீலம்,சிகப்பு , ஒரேஞ்ச், கருப்பு , வெளுப்பு என வாரி இறைக்கும் வானும் இந்த மாறும் காட்சிகளின் மேடை போல காட்சியளிக்கும் வெண் மணல் கடற் கரையும் அப்படியே விட்டு வைக்கப்பட வேண்டும்.

இவைகளை dcw கழிவு , சுற்றுலாவை ஊக்குவிக்கின்றோம் என நிரந்தர கல் கட்டிடங்கள் பெயரால் கறை படிந்ததாக மாற்றுவது பெருங்குற்றம்.

எங்கள் கடலையும் , கடற்கரையையும் எங்கள் மூதாதையர் தந்த மேனிக்கே எங்களிடமே திரும்ப தந்து விடுங்கள்.
ஏனென்றால் அவை எங்களிடம் தரப்பட்ட அமானிதம்! எங்கள் பிள்ளைகளிடம் பொறுப்போடு ஒப்படைக்க வேண்டியுள்ளது.

வாருங்கள் நமதூரின் இளமை மாறா எழிலரசியான கடலையும் கடற்கரையையும் காப்போம் அதனை நோகடிக்காது சுவைத்து அறிவோம்.